Musambo 61:1-8
-
Efile Mukulu nyi kitenta kibukopo akitukaluila kui beshikuanyi
-
“Nekala muenyi mu kashibo kobe k’epema” (4)
-
Kui mukunkushi, bua kuyimba na biombuanga bia mioshi. Musambo wa Davide.
61 Pusha namu musaase wankuele bua kukimba bukuashi, Ô Efile Mukulu.
Teemesha namu luteko luande.
2 Kukatukila ku nfudiilo ya nsenga nedidi kodi,Nsaa i eshimba diande mu kinyongua.
Nkunkushe namu ku lubuebue lui bula kunkila.
3 Muanda obe we kifuamino kiande,Kitenta ki bukopo akinkaluila kui beshikuanyi.
4 Nekala muenyi mu kashibo kobe k’epema bua loso,Nakafuamina muushi mua mbaba yobe. (Sela)
5 Muanda obe, Ô Efile Mukulu, we muteemeshe mitshipo yande.
We mumpe bupianyi bopeyaa baba abatshinyi eshina diobe.
6 Okakumbasha mafuku ku muwa wa nfumu,Na bipua biaye abikala ku bipungo na bipungo.
7 Akashala mu nkuasa a bufumu kumpala kua Efile Mukulu bua loso;Mupe namu kifulo kia lulamato na lulamato lobe, bua’shi bino bintu bimulame.
8 Paapa nakayimbi bua kutumbisha eshina diobe bua loso,Panekala nalombasha mitshipo yande efuku n’efuku.
