Musambo 46:1-11
Kui mukunkushi. Musambo wa bana ba Kora. Muyile biabayimbaa pa Alamote.* Musambo.
46 Efile Mukulu nkifuamino kietu na bukome buetu,Bukuashi bulombene kupetshibua bukidibukidi mu nsaa ya dikienga.
2 Nyi buakinyi tatukatshinyi, sunga nsenga yashintuluka,Sunga miengie yabumbukila munkatshi mua kalunga ka mema,
3 Sunga mema a kalunga notatomboka na atuusha mafulu,Sunga miengie yatshinkatshinka pa muanda wa kutomboka kua kalunga ka mema. (Sela)
4 Kui muela wi na mikola ayisankisha kibundi kia Efile Mukulu,Tabernakele mukata a kishila a Sha Kuiyilu Kula.
5 Efile Mukulu e mu kibundi; nta mbalombene kuikiponesha.
Efile Mukulu afiki mu kuikikuasha pa nkielo.
6 Miilo ibaadi mu kaumbakanyi, mafumu abaadi aponeshue,Bakaamishe eyi na nsenga nkutshinkatshinka.*
7 Yehowa a biluilo e netu,Efile Mukulu a Yakobo nkifuamino kietu kinyingishibue. (Sela)
8 Fikayi nuimuene midimo ya Yehowa,Biadi mukite mianda ya kukaanya pa nsenga.
9 Ayimika ngoshi mu nsenga yoso ishima.
Atshokola buta bua mikietue na kusaasula milumbu,Ashiiki matempu* a ngoshi kaalo.
10 “Lekayi ngoshi na nuukie’shi, ami ne Efile Mukulu,Nakatumbishibua munkatshi mua miiloNakatumbishibua pa nsenga.”
11 Yehowa a biluilo e netu,Efile Mukulu a Yakobo nkifuamino kietu kinyingishibue. (Sela)
