Musambo 73:1-28
-
Muntu a Efile Mukulu bapetuula mmueneno a mianda a mu kikudi
Musambo wa Asafe.
73 Mu binyibinyi, Efile Mukulu ebuwa kui Isalele, kui baba be na mashimba atooka.
2 Anka buande’mi, ngua* yande ibaadi pepi na kupambuka;Matabula ande abaadi pepi na kuselemuka.
3 Muanda nabangile kulakila bantu ba sha kuikaamishaPanaadi namono butaale bua bantu bebubi.
4 Muanda t’abakiengaa pa kufua,Be nka na mbidi bukome.
5 Tabe na nkalakashi bu bangi bantu,T’abakiengaa bu bangi bantu.
6 Mbinyibinyi, kuitatula ndio mabue aabo a mu nshingo,Dingi abafuala buntomboshi nka bu kilamba.
7 Bupeta buabo abutundubusha meso aabo,Abapuandikisha mianda ibakile kipimo mu mashimba aabo.
8 Abasepe na kuakula mianda ibubi.
Abafunu bua kukiengiesha bantu.
9 Abakula nka bu’shi be muiyilu mula,Ndimi yabo ayiikombo pa nsenga.
10 Biabia bantu baye abealuula kuabadi,Na abatomo mema aabo akile bungi.
11 Abamba’shi: “Efile Mukulu e kuibiuka naminyi?
Sha Kuiyilu Kula e binyibinyi na kiukilo kia mianda yoso su?”
12 Oolo, bino nyi bi bantu bebubi, abekalaa’nka na nshalelo e buwa.
Abatungunuka’nka na kufuimisha mapeta aabo.
13 Mbinyibinyi, ne mulame eshimba ditooka mu bisumanga.
Na kusuula maasa ande bua kuleesha’shi ntshi musoole muanda.
14 Naadi mukalakashue munda mua efuku dioso dishima.
Efile Mukulu baadi anyoko ku namashika koso.
15 Kadi su naadi muakule ino mianda,Nadia kuluishisha muilo oobe.*
16 Panadi natompo kuibipusha kalolo,Bibaadi abinkalakasha ngofu,
17 Mpa na panaadi mutuele mu mbalo ikata ya kishila ya Efile Mukulu,Na ami nkushinguula bi mafuku aabo aafiki kumpala.
18 Mbinyibinyi, we muibatuule mu mbalo i buseene.
Webaponesha babutukie.
19 Kooko kabutu kabakabutuka musango umune baboo!
Nfudiilo aabo akekala bubi bukile!
20 Ô Yehowa, nka bu kilotua kia muntu akishiminaa nsaa yapasuka,Nsaa yobuuku, okebashimisha.*
21 Kadi naadi mutapikie kuishimba,Na naadi na busungu bukile munda muande.
22 Naadi mukutue binangu na lushinguluilo.
Naadi nka bu nyema shi na binangu kumpala kobe.
23 Kadi binobino ne nobe nsaa yoso.
We munkuate ku mboko ibalume.
24 Onkunkusha na elango diobe,Na kunyima kua biabia ontuala ku ntumbo.
25 A nnanyi ungi andi naye muiyilu?
Kukatusha nka penda obe, takui kingi kintu kiankimbi pa nsenga.
26 Mbidi yande na eshimba diande bi kupungila,Kadi Efile Mukulu nyi ndubuebue lua eshimba diande, na kipindi kiande bua loso.
27 Mbinyibinyi, baba abende kula nobe, abakashimina.
Okafudiisha yawa oso akutua lulamato* p’aye kukusumbushena.
28 Anka buande’mi, kuifubuila kui Efile Mukulu kui buwa.
Ne muikashe Muanana Mukile Bukata Yehowa bu kifuamino kiande,Bua kulungula bantu midimo yaye yoso.
