Musambo 34:1-22
Wa Davide, pabaadi muidimbe mombe kumpala kua Abimeleke, aye namu nkumubinga, na Davide nkuenda.
א [Alefe]
34 Nakatumbisha Yehowa nsaa yoso,Milomo yande ayikamutumbisha nguba oso.
ב [Bete]
2 Naketumbisha mui Yehowa,Bantu ba sha kuiyisha abakapusha na abakekala na muloo.
ג [Gimele]
3 Tumbishayi Yehowa pamune nami,Tusamuneyi boso eshina diaye.
ד [Dalete]
4 Nayipuishe Yehowa na aye nkungaluula,Bampaashile ku mianda yoso ibaadi ayintshinyisha.
ה [He]
5 Baba babatadile kuadi, babaadi abamekameka na muloo,Mapala aabo taabaadi alombene kukuatshika buufu.
ז [Zayine]
6 Yawa mufudiile bayitamiine, na Yehowa nkuteemesha.
Bamupaashile ku makienga aaye oso.
ח [Hete]
7 Muikeyilu a Yehowa mmutuule kishalelo kiaye kifunyishe baba Abamutshinyi,Na ebapaasha.
ט [Tete]
8 Tompayi na numone’shi Yehowa e buwa,Sha muloo ngiawa afuamina muadi.
י [Yode]
9 Tshinayi Yehowa, anue boso beselele baye,Muanda baba abamutshinyi tabakutua kintu su nkimune.
כ [Kafe]
10 Sunga ntambue yana i na bukome ngishale na nsala,Kadi baba abakulupila mui Yehowa, t’abakakutua kintu kibuwa su nkimune.
ל [Lamede]
11 Bana bande, fikayi nunteemeshe,Nakenulongiesha kutshina kua Yehowa.
מ [Meme]
12 Nnanyi a kuanudi akumiina kuikala na muloo mu nshalelo?
Na akumiina kuikala na muwa munda mua mafuku ebungi na muloo?
נ [Nune]
13 Biabia alame ludimi luaye ku mianda ibubi,Na alame milomo yaye ku mianda ya madimi.
ס [Sameke]
14 Akatukie ku mianda ibubi, na akite mianda ibuwa;Akimbe butaale na ebulonde.
ע [Ayine]
15 Meso a Yehowa e kui bantu balulame,Na matui aaye aatemesha kudila kuabo bua kukimba bukuashi.
פ [Pe]
16 Anka Yehowa mmushikue baba abakitshi mianda ibubi,Akebayipaa, na takui muntu su ngumune akebatentekiesha dingi.
צ [Tsade]
17 Babaadi bedile kuadi, na Yehowa nkuteemesha,Aye nkuibapaasha ku makienga aabo oso.
ק [Kofe]
18 Yehowa e pepi na baba be na mashimba asaasukie,Na apaasha baba be na binangu bifudiile.*
ר [Reshe]
19 Makienga a muntu mululame e bungi,Anka Yehowa amupaashaa ku oso.
ש [Shin]
20 Alama mifufua yaye yoso,Takui su ngumune wa kuayidi utshokokie.
ת [Tawe]
21 Masaku aakayipaa muntu mubi,Baba bashikue kululama abakekala bapiile.
22 Yehowa akuulaa miuwa ya bafubi baye,Takui su ngumune a ku baba abakimbi kifuamino muadi akekala mupiile.
Mayi e mushi mwesaki
^ Sunga “baba babofule ku mashimba.”
