Musambo 39:1-13
Kui mukunkushi, pa Yedutune.* Musambo wa Davide.
39 Nakuile’shi: “Nakekala mudimukie mu biankitshi,Bua kupela kukita muluisho na ludimi luande.
Nakafungu kukanua kuande,*Nsaa yoso ayikekala muntu mubi kumpala kuande.”
2 Nashadile muwumiine kushi kuakula,Nashadile muwumiine mpa na bua mianda ibuwa,Kadi busungu bua muishimba diande bubaadi bufuime.
3 Eshimba diande dibaadi aditembe munda muande.
Pangikalanga nanangushena, kaalo kabaadi akatungunuka na kutemba.
Paapa ludimi luande nkuakula’shi:
4 “Ô Yehowa! Nkuashe namu ngukie abikala nfudiilo ande,Na kuuka bi bungi bua mafuku ande,Bua’shi ngukie bi buipi bua muwa wande.
5 Mbinyibinyi, we muikashe mafuku ande apeela ngofu,Na bula bua muwa wande tabui bu kintu kumpala kobe.
Mu binyibinyi, muntu oso yawa sunga ekala munyingie, te kintu, enka penda bu lupunga. (Sela)
6 Eyendo, muntu oso yawa aumbakana nka bu muesheshe.
Ekupilakupila* nka mu bisumanga.
Abungu bupeta kushi kuuka akebupiana.
7 A biabia, nkinyi dingi kiandia kukulupila, Ô Yehowa?
Anka penda obe nyi muikale lukulupilo luande.
8 Nfuile namu lusa ku kuipaa kuande koso kua miiya.
Totadilanga namu bua’shi muntu mupatakane angikashe bu kintu kia kusepa.
9 Nashadile bu kamaama;Ntshinaadi na bia kufungula mukanua,Muanda nyi bibodi okumiina.
10 Katusha namu dinyoka* diobe kuandi.
Nafudiila, muanda eyasa diobe adinkupila.
11 Oludika muntu pa kumunyoka bua kilema kiaye;Oluisha bintu biaye bia muulo nka bu abikitaa tuishi.
Mu binyibinyi, muntu oso yawa enka penda bu lupunga. (Sela)
12 Teemesha namu luteko luande, Ô Yehowa.
Pusha namu kudila kuande kua kukimba bukuashi.
Tolubanga namu mpolo yande.
Muanda nenka penda bu muenyi e kobe,Bu muina luendo akidi, nka bu ba nkambua bande boso.
13 Tonshiikanga namu meso bua’shi mmone bia kusanka,Kumpala kua’shi nfue na nshimine.
