Musambo 97:1-12
97 Yehowa bafiki Nfumu!
Nsenga ikale na muloo.
Bisangi bia mema bibungi bisankie.
2 Makumbi na mufito wibukopo mbimuifunyishe,Kululama na kutshiba kua biimu kalolo, nyi nkitako kia nkuasa aaye a bufumu.
3 Kaalo akabadiila kumpala kuaye,Na akabutula beshikuanyi baye mu mpese yoso.
4 Mipenyo yaye ayimunyika eumbo,Nsenga ayimono yaya mipenyo na ayisuusu.
5 Miengie ayisunguluka nka bu kisa kia buuki kumpala kua Yehowa,Kumpala kua Nfumu a nsenga ishima.
6 Eyilu adiukisha kululama kuaye,Na bantu boso abamono ntumbo yaye.
7 Baba boso abafubila ma nkishi bakuatshikie buufu,Baba boso abetatula pabitale b’efile babo ba bisumanga.
Kunaminayi* Efile Mukulu, anue boso b’efile.
8 Siyona apushe uno muanda na asankie,Bibundi bia Yunda bi na mulooPa muanda wa biimu biobe, Ô Yehowa.
9 Muanda obe Ô Yehowa, we Sha Kuiyilu Kula kunundu kua nsenga ishima,We mukaamishibue kunundu kua bangi b’efile booso.
10 Ô, anue bafule Yehowa, shikuayi mianda ibubi.
Alamaa miuwa ya ba sha lulamato baye,Ebapashaa ku maasa kua bantu babi.
11 Etaata dibatuuku bua bantu balulame,Na muloo bua baba be na mashimba alulame.
12 Sankilayi mui Yehowa anue bantu balulame,Na mutumbuleyi bua eshina diaye dia kishila.
Mayi e mushi mwesaki
^ Sunga “Languilayi.”
