Musambo 21:1-13
Kui mukunkushi. Musambo wa Davide.
21 Ô Yehowa! Nfumu e na muloo mu bukome bobe,E na muloo ukata mu bikitshino biobe bia kipandilo.
2 We mumulombeshe nkalo ya muishimba diaye,Na tue mumusumine kintu su nkimune kiekalanga mukutekie. (Sela)
3 Muanda we mufikie kuadi mu kumuelela miabi ibungi,We mutuule kifulu kibuwa kia ôlo ku mutue waye.
4 Mmukutekie bua kuikala na muwa na obe nkumupa wanka,Oolo, muwa munda mua mafuku ebungi, bua loso.
5 Bikitshino biobe bia kipandilo mbimufuishile ntumbo ikata.
We mumupe kinemo na ntumbo.
6 We mumuelele miabi bua loso,We mumuikashe na muloo muanda we pepi naye.
7 Muanda nfumu mmukulupile mui Yehowa,Pa muanda wa kifulo kia lulamato kia Sha Kuiyilu Kula, takasanyishibua su nkapeela.
8 Eyasa diobe adikakuata beshikuanyi bobe boso,Mboko* yobe ibalume ayikakuata baba boso bakushikue.
9 Mu nsaa ikumbane okebafuisha bu nfuulo a kaalo, pokatumu binangu biobe kuabadi.
Yehowa akebaminyi mu nsungu yaye, na kaalo akakebabutula.
10 Okashimisha lutandua* luabo mu nsenga,Na bekulu babo munkatshi mua bana ba bantu.
11 Muanda mbakimbe bua kukukitshina bi bubi,Mbadie lukuku lushalukalombana.
12 Muanda okakitshi buashi balukiile kumongoP’obe kunana buta bobe kuabadi.*
13 Ebuee mu bukome bobe, Ô Yehowa,Atukayimbi bua kutumbisha bukome bobe.
