Musambo 57:1-11
Kui mukunkushi; muyile “Tonfuishilanga kabutu.” Miktame* ya Davide. Pabaadi asuuku Saule akafuama mu lubuebue.
57 Ndeshe namu lusa lobe, Ô Efile Mukulu, ndeshe namu lusa,Muanda ne mufuamine modi,Na ne mufuame mu mutaala wa mbaba yobe mpa na apakidi masaku.
2 Neele musaase kui Efile Mukulu Sha Kuiyilu Kula,Kui Efile Mukulu a binyibinyi, aye ampuilaa makienga ande.
3 Akatumu bukuashi kukatukila muiyilu na ampaashe.
Akafuutakasha binangu bia muntu kuete kunduisha. (Sela)
Efile Mukulu akatumu kifulo kiaye kia lulamato na lulamato luaye.
4 Ne muifunyishue na ntambue,Abitungu ndale munkatshi mua bantu abakimbi kundia,Be na meno e bu milumbu na bu mikietue.
Na be na ndimi i na maashi nka bu lupete lua ngoshi.
5 Ô Efile Mukulu, otumbishibue mpa na kunundu kua eyilu.
Ntumbo yobe iwule pa nsenga ishima.
6 Abekalanga bantee bukondia bua kukuata ngua yande.
Ne muitonte na kinyongua.
Mbabundule buina kumpala kuande,Anka abo banabene nyi abemupono. (Sela)
7 Eshimba diande ndinyingie, Ô Efile Mukulu,Eshimba diande ndinyingie.
Nakakuyimbila bua kukutumbisha.
8 Buuka, Ô ntumbo yande.
Buukayi, Ô biombuanga bia mioshi, n’obe namu, Ô luseese.
Nakabuusha nkielo.
9 Nakakutumbisha munkatshi mua miilo, Ô Yehowa,Nakayimbi bua kukutumbisha munkatshi mua bisamba.
10 Muanda kifulo kiobe kia lulamato nkikata, ki bula bukafikie mpa na muiyilu,Na lulamato lobe ndukafikie mpa na mu makumbi.
11 Ô Efile Mukulu, otumbishibue mpa na kunundu kua eyilu.
Ntumbo yobe iwule pa nsenga ishima.
Mayi e mushi mwesaki
^ Tala Kipatuluilo kia Bishima.
