Musambo 48:1-14
Musambo. Musambo wa bana ba Kora.
48 Yehowa mmukata na mulombanyine kutumbishibua ngofuMu kibundi kia Efile Mukulu eetu, ku muengie waye wa kishila.
2 Muengie wa Siyona wi kula dia kunundu,Wi buwa mu bula buao, muloo wa nsenga ishima,Kibundi kia Nfumu mukata.
3 Mu bimano biakio binyingishibue,Efile Mukulu ewukisha’shi, aye nyi mbalo ya kufuamina inyingishibue.
4 Muanda tala! Banfumu babebungu;Bakuete kuenda kumpala pamune.
5 Nsaa ibabamuene kibundi, moo ubaadi wibakuateBabaadi bapangayike na abo nkusuuka.
6 Kusuusa kubebakuatshile kuakua,Mitanyo nkuibakuata nka bu ya mukashi kuete kutanda.
7 Botanyine maato a ku Tarsise na lupunga lua kutunduka nguba.
8 Mianda yatubaadi bapushe, binobino tubeyimuena atue banabene,Mu kibundi kia Yehowa a biluilo, mu kibundi kia Efile Mukulu eetu.
Efile Mukulu akekinyingisha ngofu bua loso. (Sela)
9 Ô Efile Mukulu! Tukuete kunangushena pabitale kifulo kiobe kia lulamato,Munda mua ntempelo oobe.
10 Ô Efile Mukulu! Anka bi eshina diobe, ntumbo yobeNgikafikie mpa na ku nfudiilo kua nsenga.
Eyasa diobe dibalume ndiwule na kululama.
11 Muengie wa Siyona wikale na muloo,Bibundi* bia Yunda bisankie pa muanda wa biimu biobe.
12 Tambukayi ku mpese ya Siyona, numuifunyishe oso mushima,Nubadikie bitenta biaye bila.
13 Tuulayi mashimba eenu ku bimano biaye binyingishibue.
Nutalule kalolo bitenta biaye binyingishibue,Bua’shi numone bia kukebilungula bipungo bia bantu abifiki.
14 Muanda uno Efile Mukulu, nyi Efile Mukulu eetu bua loso.
Aketukunkusha bua loso.*
