Musambo 132:1-18
Musambo wa pa kukaamina.
132 Ô Yehowa, tentekiesha namu DavideNa makienga aaye oso.
2 Bibaadi muitshipe kui Yehowa,Na bibaadi mukite mutshipo kui Sha Bukome a Yakobo’shi:
3 “Ntankatuele mu kashibo kande k’epema, nshibo yande.
Ntankalala pa lusala luande;
4 Ntankatadiila meso ande alale tulo,Sunga bipoopuelo biande buabidia kupuuta,
5 Mpa nka na pankapete mbalo bua Yehowa,Mbalo ikile buwa ya kushala* bua Sha Bukome a Yakobo.”
6 Talanga! Tubaadi bapushe uno muanda mu Efrata,Atue nkuiusangana mu mutamba.
7 Tutueleyi mu mbalo yaye ya kushalela;*Tuinameyi ku kitudilo kiaye kia ngua.
8 Ebuee, Ô Yehowa, bua kufika ku mbalo yobe ya kuikisha,Obe na Musheto wa bukome bobe.
9 Ba tshite muakuidi bobe bekale bafuale kululama,Na ba sha lulamato bobe bele misaase ya muloo.
10 Pa muanda wa Davide mufubi oobe,Tosumbushenanga namu muedibue muimu oobe.
11 Yehowa baadi muitshipe kui Davide,T’akakutua kulombasha binyibinyi eyi diaye dia’shi:
“Nakatuulu umune a ku bekulu bobeMu nkuasa oobe a bufumu.
12 Su bana bobe balama kilombeno kiande,Na mitentekiesho yande yandi muibalongieshe,Bana babo namuAbakashala mu nkuasa oobe a bufumu bua loso.”
13 Muanda Yehowa mmusangule Siyona,Mmukumiine bua’shi ekale mbalo yaye ya kushala, amba’shi:
14 “Ino ndio mbalo yande ya kuikiisha bua loso;Pano nyi pankashala, muanda bino nyi bi lukalo luande.
15 Nakamuelela miabi na bidibua bibungi,Nakekutshisha balanda ba muanka mikate.
16 Nakafuadika ba tshite muakuidi ba muanka kipandilo,Na ba sha lulamato ba muanka abakele misaase ya muloo.
17 Kuakua nakafimisha bukome bua Davide,Ne mulumbule elampi bua muedibue muimu ande.
18 Nakafuadika beshikuanyi baye buufu,Anka kifulu kia ntumbo ki ku mutue waye akikalangalanga.
