Musambo 52:1-9
Kui mukunkushi. Masikile.* Musambo wa Davide, pabaadi Doege muina Edome mufikie alungula Saule’shi Davide fikile kua Akimeleke.
52 Buakinyi wetatula bua bikitshino biobe bibubi, obe muntu sha bukome?
Kifulo kia lulamato kia Efile Mukulu ki kuanka munda mua efuku dishima.
2 Ludimi lobe lui maashi bu kabuembe,Alunangushena kukita bibubi na aluakula mianda ya madimi.
3 We mufule mianda ibubi kukila mianda ibuwa,We mufule madimi kukila kuakula bia binyibinyi. (Sela)
4 We mufule bishima bioso abitapa bangi,Obe ludimi aluakulaa mianda ya madimi.
5 Nyi buakinyi Efile Mukulu akakubutula musango umune bua loso;Akakupundumuna na akutuushe mu kashibo kobe k’epema,Akakushulu muiumbo dia bantu be na muwa. (Sela)
6 Bantu balulame abakamono uno muanda na bakuatshikie moo wibukopo,Na abakasepe yawa muntu e bubi, pa kuakula’shi:
7 “Talayi muntu shibaadi muikashe Efile Mukulu bu kifuamino kiaye,Kadi ekeele mukulupile mu bupeta buaye bui bungi,Na kukulupila* mu mpango yaye ya kukita bibubi.”
8 Anka ami, nekala bu mutshi wa olive usapile* mu nshibo ya Efile Mukulu,Lukulupilo luande lui mu kifulo kia lulamato kia Efile Mukulu bua loso.
9 Nakakutumbisha bua loso bua biodi mukite,Kumpala kua ba sha lulamato bobe,Nakakulupila muishina diobe, muanda kukita biabia kui buwa.
