Musambo 4:1-8
Kui mukunkushi; bua kuyimba na biombuanga bia mioshi. Musambo wa Davide.
4 Panetamina ongalule namu, Ô Efile Mukulu ande mululame.
Ndumbuluile namu eshinda diandia kusuukila pandi mu dikienga,Ndeshe kalolo na oteemeshe luteko luande.
2 Anue bana ba bantu anukalula ntumbo yande bu kuyishibua kua milongo mpa na ku nsaa kinyi?
Anukafulu bintu bishi na muulo, na kukimba bintu bia madimi mpa na ku nsaa kinyi? (Sela)
3 Ukayi’shi Yehowa akakitshina muntu aaye sha lulamato mianda mu mushindo wi pabuawo,*Yehowa akateemesha pammuitamina.
4 Fiitaayi munda kadi tanukitanga muluisho,Nuiakuile mu mashimba eenu, ku nsala yenu, na nushale baumiine. (Sela)
5 Tushayi milambu ya kululama,Na nukulupile mui Yehowa.
6 Kui bantu be bungi abamba’shi: “A nnanyi aketulesha namu kintu ki buwa?”
Ô Yehowa! Etaata dia mpala Yobe ditumunyikie.
7 We muushe eshimba diande na muloo wibungi,Kukila wa baba abaumbula ntete i bungi na be na nfinyo ipia.
8 Nakalala mu butaale,Muanda obe bupenka bobe, Ô Yehowa, we mukite bia’shi nshale ku matui talalaa.
Mayi e mushi mwesaki
^ Sunga “akatuulu muntu aaye sha kululama ku lupese.”
