Musambo 2:1-12
2 Buakinyi miilo ayipampakana,Na bantu abanangushena* ku bintu bia bisumanga?
2 Ba nfumu ba pa nsenga abeboo,Na bakunkushi abebungu* kintu kimuneBua kulua na Yehowa na kulua na muedibue muimu aaye.*
3 Abamba’shi: “Tutshibeyi nkano yabo,Na tukaashe mioshi yabo yabadi betushitshikie!”
4 Yawa mushale mu nkuasa a bufumu muiyilu akasepe;Yehowa akebasengie.
5 Mu yaaya nsaa akesamba nabo mu nsungu yayeNa akebatshinyisha mu nsungu yaye ibukopo,
6 Akakula’shi: “Ami nabene ne mutuule nfumu andeMu Siyona, muengie wande wa kishila.”
7 Naukisha kitshibilo kia Yehowa;Bandungula’shi: “Obe we muan’ande;Na lelo uno nafiki nshobe.
8 Su bontekie, nakakupa miilo bu bupianyi bobe,Na nfudiilo ya nsenga bua’shi ikale yobe.
9 Okebatshokola na mukombo wa kiamo,Na okebasooso bu kintu ki’ema.”
10 Binobino, anue ba nfumu kitayi mianda na binangu.
Kumiinayi elango,* anue ba nsushi ba pa nsenga.
11 Fubilayi Yehowa na kutshina,Na muloo na kusuusa.
12 Nemekayi muana, bisumanga Efile Mukulu akuata nsunguNa anukashimina muishinda,*Muanda nsungu Yaye ayikaaminaa bukidi.
Ba sha muloo mbaba boso abafuamina Muadi.
