Musambo 135:1-21
135 Tumbishayi Yah!*
Tumbishayi eshina dia Yehowa;Tumbishayi Yehowa, anue bafubi baye,
2 Anue abemanaa mu nshibo ya Yehowa,Mu mpango ya nshibo ya Efile Mukulu eetu.
3 Tumbishayi Yah, muanda Yehowa e buwa.
Imbayi ngono* bua kutumbisha eshina diaye, muanda bino abisankishaa.
4 Muanda Yah mmuisanguile Yakobo,Mmusangule Isalele bu kintu kiaye kia muulo.
5 Muanda nauku kalolo’shi Yehowa mmukata,Nfumuetu mmukata kukila bangi b’efile boso.
6 Yehowa akitaa kintu kioso ki’akumiina kukitaMuiyilu na pa nsenga, mu tulunga tua mema na muushi mua tulunga.
7 Na akaamisha makumbi kukatukila ku nfudiilo kua nsenga.
Akitshina mpeshi mipenyo,*Na atuusha kipapi mu mashibo aaye a kulamina bintu.
8 Bayipayile bana mbedi ba mu Ejipitu,Ba bantu na ba nyema.
9 Batumine bitunduilo na bilengieleshi munkatshi mobe, Ô Ejipitu,Kui Faraone na bafubi baye.
10 Baadi mubutule miilo ibungiNa aye nkuipaa ba nfumu be bukome.
11 —Sihone nfumu a bena Amore,Oge nfumu a Bashane,Na mafumu oso a Kanaana.
12 Batushile eumbo diabo bu bupianyi,Bupianyi kui Isalele muilo waye.
13 Ô Yehowa, eshina diobe adishala kuanka bua loso.
Ô Yehowa, nkumo* yobe ayishala kuanka bua bipungo bioso.
14 Muanda Yehowa akakuila* muilo waye,Na akapusha lusa bua bafubi baye.
15 Ma nkishi a miilo nga kiamo kia arja na ôlo,Mudimo wa ku maasa a bana ba bantu.
16 E na mukanua, kadi ta ngalombene kuakula,E na meso, kadi ta ngalombene kumona,
17 E na matui, kadi ta ngalombene kupusha.
Taena muwa mukanua muao.
18 Baba abeakitshi abakafiki namu nka bu biaadi,Mpa na baba boso abeakulupila.
19 Ô nshibo ya Isalele, tumbishayi Yehowa.
Ô nshibo ya Alona, tumbishayi Yehowa.
20 Ô nshibo ya Levi, tumbishayi Yehowa.
Anue abatshinyi Yehowa, tumbishayi Yehowa.
21 Yehowa atumbishibue kukatukila mu Siyona,Aye mushale mu Yelusalema.
Tumbishayi Yah!
