Musambo 96:1-13
96 Imbilayi Yehowa loono lupia.
Imbilayi Yehowa anue boso bashale pa nsenga!
2 Imbilayi Yehowa; tumbishayi eshina diaye.
Ukishayi mukandu wibuwa wa kipandilo kiaye efuku dioso.
3 Ukishayi ntumbo yaye munkatshi mua bisamba,Na midimo yaye ya kukaanya munkatshi mua miilo yoso.
4 Muanda Yehowa mmukata na mmukumbene ntumbo ibungi.
Nga kutshina ngofu kukila bangi b’efile boso.
5 Bangi b’efile boso ba miilo mb’efile ba bisumanga,Anka Yehowa nyi bapangile eyilu.
6 Kinemo na ntumbo bi kumpala kuaye;Bukome na buwa bi mu mbalo yaye ya kushalela.
7 Payi Yehowa kiakia kimulombene, anue bifuko bioso bia pa nsenga,Payi Yehowa kiakia kimulombene bua ntumbo na bukome buaye.
8 Payi Yehowa ntumbo ilombene eshina diaye,Fikayi na kia buntu na nutuele mu mpango yaye.
9 Inamayi kumpala kua Yehowa bafuale bilamba bia kishila.*
Suusayi kumpala kuaye, anue boso bantu ba pa nsenga!
10 Ukishayi munkatshi mua miilo’shi: “Yehowa bafiki Nfumu!
Nsenga* nginyingishibue pe poo, ta ngilombene kusanyishibua.
Akasambisha bantu na kululama.”
11 Eyilu disankie, na nsenga ikale na muloo,Kalunga ka mema kakungule na bioso biule muanka.
12 Mapia na bintu bioso bi muanka bikale na muloo.
Mitshi ya mu mutamba namu yele misaase ya muloo
13 Kumpala kua Yehowa, muanda kuete kufika,Kuete kufika bua kutshibila nsenga kiimu.
Akasambisha nsenga ishima na kululama,Na kusambisha miilo mu kululama kuaye.
