Musambo 81:1-16
Kui mukunkushi; pa Gitite.* Musambo wa Asafe.
81 Elayi misaase ya muloo kui Efile Mukulu, aye muikale bukome buetu.
Elayi misaase ya kutshimuna kui Efile Mukulu a Yakobo.
2 Imbayi ngono na nombe matumba,Nseese ayiyimbi kalolo pamune na biombuanga bia mioshi.
3 Elayi mpungi pa kubaluka kua mueshi,Pe mueshi kifunda bua efuku dia musangelo wetu.
4 Muanda nyi muiya bua Isalele,Kitshibilo kia Efile Mukulu a Yakobo.
5 Baadi muiwutuule bu kitentekiesho bua Yosefe,Kipungo kibaayile mu kulua na eumbo dia Ejipitu.
Napushile eyi* dianshi naadi mushinguule adiamba’shi:
6 “Naadi mukatushe bushito p’epampa diaye,Naadi mukatushe kiseele kibaadi ku maasa kuaye.
7 Pobodi mu makienga bongitanyine, ami nkukupaasha;Naadi mukualule kukatukila muikumbi dia tupandapanda.
Nakutompele ku mema a Meriba.* (Sela)
8 Muilo wande teemeshayi, nakenudimusha.
O Isalele, su bodia sunga kuntemeesha!
9 Munkatshi muenu tamubadia kuikala efile muenyi,Na t’anubadia kuinamina efile muenyi.
10 Nnami Yehowa Efile Mukulu oobe,Baadi mukutushe mu nsenga ya Ejipitu.
Buula mukanua mobe bikata, na nakemuusha biakudia.
11 Anka muilo wande taubaadi uteemeshe eyi diande;Isalele tabaadi munkookiele.
12 Biabia naadi muibatadiile abalondo bibaadi abiamba mashimba aabo apape,Babaakitshine bibaabadi abamono’shi bibuwa.
13 Su muilo wande ubadia sunga kunteemesha baboo,Su Isalele badia kutambukila mu mashinda ande!
14 Nadia kutuula bukidibukidi beshikuanyi babo ku matalua aabo;Nadia kutadiisha eyasa diande kui abebakiengiesha.
15 Baba bashikue Yehowa abakakalaba kumpala kuaye.
Na nfudiilo aabo akekala bua loso.
16 Anka, akenudiisha ntete ya blé ikile buwa,Na akenuikutshisha buuki bua mu lubuebue.”
