Musambo 88:1-18
Musambo wa bana ba Kora. Kui mukunkushi. Muyile ngimbilo a Mahalate, ngua kuyimba na kuipungulushena. Masikile* a Emane muina Ezera.
88 Ô Yehowa Efile Mukulu a kipandilo kiande,Mu kanya neele misaase kodi,Na bufuku nafiki kumpala kobe.
2 Luteko luande lufikie namu kodi,Tee namu matui* na opushe kudila kuande bua kuteka bukuashi.
3 Anyima* ande mmuule na makienga,Na muwa wande wi pepi na Mashama.*
4 Ne mupue kubadikibua munkatshi mua bantu abende mu buina.*
Nafiki bu muntu shi bia kuikaluila,*
5 Abadi balekie munkatshi mua bafue,Nka bu bantu babadi bayipee balale mu mashamaBoshotentekieshaa dingi,Na boshi bia kupasukila dingi.
6 We mungiele mu buina bula ngofu,Mu ma mbalo e mufito, mu lupongo lukata lui bula.
7 Nsungu yobe nginnemeene bushito,We mumbuikile na mbundambunda yobe ya mema ayikupila. (Sela)
8 We mubingie kula nami bantu boso baneukenaa nabo.
Bongikasha bu kintu ki butete kuabadi.
Ne mukuatshikie mu kateo na ntshi bia kuposoka.
9 Meso ande abakooko pamuanda wa makienga ande.
Nkuete kukuitamina efuku dioso dishima, Ô Yehowa,Ne moole maasa ande kodi.
10 We kukitshina bafue mianda ya kukaanya su?
Baba balale kushi bukome mu lufu, be kuibuaa bua kukutumbisha su? (Sela)
11 Be kuiwukisha kifulo kiobe kia lulamato mu mashama?
Sunga kuwukisha lulamato lobe mu mbalo ya kabutu?*
12 Midimo yobe ya kukaanya i kuiwukibua mu mufito su?
Sunga kululama kobe mu eumbo dia kiiluankanyi?
13 Kadi nkuete kutungunuka’nka na kukuidila bua kuteka bukuashi, Ô Yehowa,Ku namashika koso, luteko luande lukuete kufika kodi.
14 Ô Yehowa, buakinyi bonsumbushena?
Buakinyi bonfuamisha mpala yobe?
15 Kubanga ku bukinga buandeNe mukiengeshibue na ne pepi na kufua.
Nafudiila na mianda ibubi yotadiila bua’shi inkiengieshe.
16 Nsungu yobe ayitembe bu kaalo ngimbuikile.
Kuntshinyisha kobe akungipaa.
17 Munda mua efuku dishima mbangifunyishe nka bu mema.
Be pepi nami mu mpese yoso.
18 Bobingi kula nami ba kuuku na bantu bandi mufule,Mufito nyi ubashala ande mukuetu.
