Musambo 55:1-23
Kui mukunkushi; bua kuyimba na biombuanga bia mioshi. Masikile.* Musambo wa Davide.
55 Teemesha namu luteko luande, Ô Efile Mukulu,Na tolubanga namu kuankuiyayila bua kunfuila lusa.*
2 Tuula namu binangu biobe kuandi na ongalule.
Pa muanda wa lukalakashi luande, ntshi na kuikisha,Ne mukalakashibue ngofu,
3 Pa muanda wa abiakula beshikuanyi bande,Na abintakula bantu bebubi mu kukita.
Muanda bakuete kunfuishila nkalakashi,Be na nsungu na mbanshikue bikata.
4 Eshimba diande ndinyongole munda muande,Na moo wibukopo wa lufu ngunganyiine.
5 Moo na kusuusa mbinkuate,Na kusuusakana nkunganyiine.
6 Nkuete kuamba’shi: “Su nadia kuikala na mbaba bu ya ekutshi baboo!
Nadia kupapama nakashala mu mbalo ishi masaku.
7 Talanga! Nadia kusuuka nenda kula.
Nadia kukashala mu kabaaka. (Sela)
8 Nadia kusuuka nenda ku mbalo ya kufuamina,Kula na lupunga lui bukopo, kula na kipapi kikata.”
9 Ebatueshe namu mu kafutakanyi, Ô Yehowa, na oluishe mpango yabo,Muanda ne mumone buntomboshi na kuikakena mu kibundi.
10 Bufuku na kanya, bakuete kuifunya bimano bia kibundi;Munkatshi muakio mui buntomboshi na kafutakanyi.
11 Kabutu ke munkatshi muakio;Buntomboshi na kuidimbena t’abikatuka mu mbalo yabo ya bantu boso.
12 Muanda su bibadia kuikala’shi nyi mmuishikuanyi ankaa mulomo,Nadia kuibinyingiila.
Su bibadia kuikala’shi nyi muntu munshikue bangibuela,Nadia kumufuama.
13 Kadi nnobe muntu e bu biandi,Obe kuuku ande anguku kalolo.
14 Tubaadi ba kuuku ba p’eshimba;Na tubaadi atuende mu nshibo ya Efile Mukulu pamune na kibumbu kia bantu.
15 Kabutu kebakuate!
Bayikie abatala mu Mashama;*Muanda mianda ibubi ngiule munkatshi muabo na munda muabo.
16 Anka ami, nakeele musaase kui Efile Mukulu,Na Yehowa akampaasha.
17 Ku kiolua, ku namashika na mu nsaa ya midi, ne mukalakashibue na nkuete kutompola,Na ateemesha eyi diande.
18 Akampaasha* kui baba abanduisha ngoshi na kumpa butaale,Muanda bibumbu bia bantu abifiki mu kulua nami.
19 Efile Mukulu akanteemesha na akebaluula,Aye mushale mu nkuasa a bufumu kubanga kala. (Sela)
Abo, abakapele kushintuluka,Baba bashabatshinyi Efile Mukulu.
20 Alu* ngoshi na baba abekalanga naye mu butaale,Mmuipee kilombeno kiaye.
21 Mayi aaye e buwa kukila manteka,Anka kuikakena kui muishimba diaye.
Mayi aaye e buseene kukila muimu,Kadi enka bu lupete lui maashi.
22 Sumbuila Yehowa bushito bobe,Na aye namu akakukuatshishena.
T’akatadiila bua’shi muntu mululame apone efuku su ndimune.
23 Anka obe, Ô Efile Mukulu, okebayisha mu buina bula.
Bantu abayipayishena na ba sha madimi, t’abakalombasha sunga kia pankatshi kia mafuku a muwa wabo.
Anka ami, nakulupila modi.
