Jobi 42:1-17

  • Jobi i përgjigjet Jehovait (1-6)

  • Tre shokët e Jobit konsiderohen fajtorë (7-9)

  • Jehovai ia kthen përsëri begatinë Jobit (10-17)

    • Djemtë dhe vajzat e Jobit (13-15)

42  Atëherë Jobi iu përgjigj Jehovait:   «Tani e di se ti je në gjendje të bësh gjithçkadhe s’ka asgjë të paarritshme për ty.+   Ti the: ‘Kush je ti që t’i vësh në dyshim vendimet e mia kur s’ke njohuri?’+ Vërtet, unë fola, por pa kuptuar;fola për gjëra tepër të mrekullueshme e që nuk i njoh.+   Ti the: ‘Të lutem, më dëgjo dhe unë do të flas;unë do të të pyes e ti m’u përgjigj.’+   Veç kisha dëgjuar të flitej për ty,por tani të shoh me sytë e mi.   Ndaj i tërheq ato që thashë,+pendohem dhe ulem në pluhur e në hi.»+  Pasi Jehovai mbaroi me Jobin, Jehovai iu drejtua Elifazit, temanitit: «Më vlon zemërimi kundër teje dhe kundër dy shokëve të tu,+ se nuk thatë të vërtetën për mua,+ siç bëri Jobi, shërbëtori im.  Tani merrni shtatë dema dhe shtatë desh, shkoni te Jobi, shërbëtori im, dhe paraqitni një flijim të djegur për veten. Pastaj Jobi, shërbëtori im, do të lutet për ju.+ Unë do ta pranoj patjetër kërkesën e tij* që të mos veproj me ju sipas marrëzisë suaj, sepse nuk thatë të vërtetën për mua, siç bëri Jobi, shërbëtori im.»  Kështu temaniti Elifaz, shuahiti Beldad dhe namatiti Zofar ikën e bënë siç u tha Jehovai; dhe Jehovai e pranoi lutjen e Jobit. 10  Pasi Jobi u lut për shokët,+ Jehovai u dha fund vuajtjeve të tij+ dhe ia ktheu përsëri begatinë.* Jehovai i dha dyfishin e asaj që kishte pasur më parë.+ 11  Atëherë tërë vëllezërit dhe motrat, si edhe miqtë e dikurshëm,+ shkuan ta takonin dhe hëngrën së bashku në shtëpinë e tij. Ata ia qanë hallin dhe e ngushëlluan për gjithë të këqijat që Jehovai kishte lejuar t’i binin; secili i dha një dhuratë në pará dhe një unazë ari. 12  Kështu Jehovai i bekoi vitet e mëvonshme të jetës së Jobit më shumë se të mëparshmet,+ dhe ai pati 14.000 kokë dhen, 6.000 deve, 2.000 qe* dhe 1.000 gomarica.+ 13  Pati edhe shtatë djem e tri vajza të tjera.+ 14  Të parën e quajti Jemima, të dytën Kezia dhe të tretën Keren-Hapuk. 15  Në mbarë vendin, s’kishte vajza më të bukura se bijat e Jobit; i ati u dha trashëgimi bashkë me vëllezërit e tyre. 16  Pas kësaj, Jobi jetoi edhe 140 vjet dhe i pa fëmijët e nipërit e tij për katër breza. 17  Në fund Jobi vdiq, pas një jete të gjatë e të lumtur.*

Shënime në fund të faqes

Fjalë për fjalë «Unë do t’ia ngre patjetër fytyrën».
Fjalë për fjalë «Jehovai e ktheu mbrapsht robërinë e Jobit».
Fjalë për fjalë «1000 pendë qe».
Fjalë për fjalë «i moshuar dhe i ngopur me ditë».