Jobi 9:1-35

  • Përgjigjja e Jobit (1-35)

    • Njeriu nuk debaton dot me Perëndinë (2-4)

    • ‘Perëndia bën gjëra të pahetueshme’ (10)

    • Njeriu nuk ballafaqohet dot me Perëndinë (32)

9  Atëherë Jobi iu përgjigj:  «E di mirë se ashtu është. Por si mund të ketë të drejtë njeriu* përpara Perëndisë?+   E në dashtë dikush të debatojë me Të,*+nuk do t’i përgjigjet dot as një pyetjeje në një mijë.   Ai është i mençur* dhe plot fuqi.+ E kush mund t’i bëjë ballë pa pësuar gjë?!+   Ai i zhvendos* malet pa e marrë vesh kush;me furinë e tij i përmbys.   E shkund tokën e ajo luan vendit;gjithë shtyllat e saj tronditen.+   E urdhëron diellin të mos shkëlqejë;ua bllokon* dritën yjeve.+   I vetëm i shpalos qiejt si pëlhurë;+dallgët krenare të detit i shkel me këmbë.+   Ai ka bërë yjësinë Ash,* yjësinë Kesil,*yjësinë Kimah*+ dhe yjësitë e qiellit të jugut;* 10  gjëra madhështore e të pahetueshme ka bërë,+gjëra të mrekullueshme që s’kanë të numëruar.+ 11  Ai më kalon pranë, por unë s’arrij ta shoh,ecën përbri meje, por unë s’e dalloj dot. 12  Kush mund ta pengojë nëse shtien në dorë diçka? Kush guxon t’i thotë: ‘Çfarë po bën?’+ 13  Perëndia s’ka për ta përmbajtur zemërimin,+e madje edhe ndihmësit e Rahabës*+ do të përkulen para tij. 14  Aq më tepër duhet të matem unë kur i përgjigjem;duhet t’i zgjedh më mirë fjalët që të flas me të. 15  Por, edhe sikur të kisha të drejtë, s’do të guxoja t’i përgjigjesha;+ vetëm do t’i përgjërohesha për mëshirë gjykatësit tim.* 16  Po ta thërrisja, a do të më përgjigjej? S’ma ha mendja se do të më dëgjonte, 17  ai që me një stuhi më dërrmondhe pa shkak plagët m’i shumon.+ 18  Ai nuk më lë as të marr frymëe më sjell veç hidhërim. 19  Nëse bëhet fjalë për fuqi, ai është më i fuqishmi.+ Nëse bëhet fjalë për drejtësi, ai thotë: «Kush mund të më kërkojë llogari?» 20  Edhe po të kisha të drejtë, vetë goja ime do të më dënonte;edhe po të mbaja integritetin,* ai do të më shpallte fajtor.* 21  Edhe po të mbaja integritetin,* s’do t’i zija besë vetes.S’e duroj dot* këtë jetë! 22  Fundja, ç’ndryshim ka? Ja pse them:‘Ai e shkatërron të pafajshmin* njësoj si të ligun.’ 23  Nëse papritmas një përmbytje do të sillte vdekjen,ai do të tallej me dëshpërimin e të pafajshmit. 24  Tokën e ka lënë në dorë të të ligjve;+gjykatësve të saj ua ka zënë sytë.* Kush tjetër mund ta bëjë këtë, përveç tij? 25  Ditët e mia rendin më shpejt se vrapuesi,+vrapojnë pa parë asnjë të mirë. 26  Rrëshqasin si varkat prej kallami,si shqiponja që sulet mbi prenë e vet. 27  Edhe po të them: ‘Do ta harroj brengën,do të ndërroj çehre e do të çelem’, 28  përsëri të gjitha dhembjet e mia më futin frikën,+dhe unë e di se ai nuk do të më quante të pafajshëm, 29  përkundrazi do të dilja fajtor. Prandaj, pse të lodhem kot?!+ 30  Edhe po të lahesha me ujë boree t’i pastroja duart me finjë,*+ 31  ai do të më zhyste në një gropë me baltë,aq sa edhe rrobat e mia do të më kishin neveri. 32  Se ai nuk është njeri si unëqë t’i përgjigjem e të ballafaqohem me të në gjyq.+ 33  S’ka njeri që të vendosë* mes nesh,që të shërbejë si gjykatësi ynë.* 34  Po të mos më godiste më*e të mos më ngjallte më tmerr,+ 35  atëherë do t’i flisja pa frikë,se zakonisht nuk druhem kur flas me të.

Shënime në fund të faqes

Ose «vdekatari».
Ose «ta hedhë në gjyq Atë».
Fjalë për fjalë «i mençur në zemër».
Ose «i heq».
Fjalë për fjalë «vulos».
Ka mundësi yjësia e Arushës së Madhe (Ursa Major).
Ka mundësi yjësia e Orionit.
Ka mundësi yjet e Plejadave në yjësinë e Taurusit.
Fjalë për fjalë «dhomat e brendshme të jugut».
Ka mundësi një përbindësh i madh deti.
Një mundësi tjetër «kundërshtarit tim në gjyq».
Ose «po të isha i pafaj». Shih Fjalorthin.
Fjalë për fjalë «dredharak».
Ose «po të isha i pafaj».
Ose «S’e dua; E urrej».
Ose «atë që mban integritetin».
Fjalë për fjalë «fytyrën».
Ose «potasë; sapun».
Ose «S’ka ndërmjetës».
Fjalë për fjalë «ta vërë dorën mbi ne të dy».
Fjalë për fjalë «Po ta largonte nga unë shkopin e tij».