Isaia 57:1-21
57 I drejti vdes, por askush s’do t’ia dijë.
Besnikët zhduken*+ e askush nuk e kuptonqë i drejti zhduket për shkak të së keqes.*
2 Ai prehet në paqe;të gjithë ata që ecin sipas drejtësisë, prehen në shtrat.*
3 «Kurse ju, afrohuni këtu,o bij të magjistares,fëmijë të kurorëshkelëses dhe të prostitutës!
4 Kë vini në lojë?
Me kë talleni* dhe kujt ia nxirrni gjuhën?
A nuk jeni ju fëmijë të shkeljes,*fëmijë të mashtrimit?+
5 A nuk jeni ju që ju ndizet pasioni mes pemëve të mëdha,+nën çdo pemë të harlisur,+e që i vritni fëmijët nëpër lugina,*+nën të çarat e shkrepave?
6 Ti ke zgjedhur gurët e lëmuar të luginës.*+
Po, këta ke për të marrë.
Edhe mbi ta ti derdh blatime në pije dhe u bën dhurata.+
A duhet të kënaqem* me këto gjëra?
7 Ti e përgatite shtratin tënd mbi një mal të lartë, shumë të lartë,+dhe u ngjite atje për të bërë flijime.+
8 Idhullin* që bëre, e vure pas derës dhe pas shtalkës.*
Më braktise dhe u zhveshe;u ngjite lart dhe e zgjerove shtratin tënd.
Bëre besëlidhje me ta.
Të pëlqeu të flije me ta+
dhe admirove organin mashkullor.*
9 Shkove te Meleku* me vajdhe plot me parfume.
I nise larg të dërguarit e tu,e kështu zbrite në Varr.*
10 U rraskapite duke ndjekur rrugët e tua të shumta,por nuk the: ‘Është e kotë!’
I ripërtërive fuqitë e tua.
Ja pse nuk dorëzohesh.*
11 Kujt i trembeshe?
Nga kush kishe frikë që nise të gënjeje?+
Për mua nuk u kujtove.+
Për asgjë nuk deshe t’ia dije.+
A nuk kam qëndruar në heshtje dhe i tërhequr?*+
Prandaj nuk tregove nderim të thellë* ndaj meje.
12 Unë do të shpall ‘drejtësinë’ tënde+ dhe veprat e tua,+që nuk do të të sjellin dobi.+
13 Kur të thërrasësh për ndihmë,koleksioni yt i idhujve nuk do të të shpëtojë.+
Atë do ta marrë me vete era;vetëm po t’i frysh pak, do të fluturojë tutje.
Kurse ata që strehohen tek unë,do të trashëgojnë vendin,do të zotërojnë malin tim të shenjtë.+
14 Do të thuhet: ‘Shtrojeni, shtrojeni rrugën. Përgatiteni rrugën!+
Hiqni çdo pengesë nga rruga e popullit tim.’»
15 Se kështu thotë i Larti dhe i Madhërishmiqë ekziston* përgjithmonë+ dhe që e ka emrin të shenjtë:+
«Unë banoj në lartësi e në vend të shenjtë+por jam edhe me të dërrmuarin e të brengosurin,*që t’u jap forcë të brengosurvedhe t’ua ngre zemrën peshë të dërrmuarve.+
16 Sepse nuk do t’u kundërvihem përgjithmonëdhe as do të mbetem i zemëruar përjetë,+përndryshe njeriut* do t’i priteshin fuqitë për shkakun tim,+madje edhe çdo krijese të gjallë që kam bërë.
17 Unë u indinjova me mëkatin e tij,*ngaqë lakmonte gjithnjë fitime të pandershme,+prandaj e godita, i largova sytë prej tij dhe u indinjova.
Por ai, si një tradhtar,*+ vazhdoi të ndiqte zemrën e vet.
18 Unë i kam parë udhët që ka ndjekur,gjithsesi do ta shëroj+ e do t’i prij,+që ta ngushëlloj* sërish atë+e këdo që mban zi bashkë me të.+
19 Unë e krijoj frytin e buzëve.
Paqe të vazhdueshme do t’i japatij që është larg dhe atij që është afër,+e do t’i shëroj,—thotë Jehovai.
20 Por të ligjtë janë si deti i trazuar që s’mund të qetësohet,ujërat e të cilit nxjerrin leshterikë dhe llucë.
21 Nuk ka paqe për të ligjtë,+—thotë Perëndia im.
Shënimet
^ Një mundësi tjetër «që të shpëtojë nga e keqja».
^ Domethënë, vdesin.
^ Domethënë, në varr.
^ Ose «Ndaj kujt e hapni gojën».
^ Shih Fjalorthin.
^ Ose «vade». Shih Fjalorthin.
^ Ose «A duhet të ngushëllohem».
^ Ose «të vadit». Shih Fjalorthin.
^ Fjalë për fjalë «Përmendoren».
^ Domethënë, kornizës së derës.
^ Mund t’i referohet adhurimit të idhujve.
^ Një mundësi tjetër «mbreti».
^ Ose «Sheol», pra, në varrin e përbashkët të njerëzimit. Shih Fjalorthin.
^ Fjalë për fjalë «nuk lodhesh».
^ Fjalë për fjalë «nuk tregove frikë». Shih Fjalorthin, «Frika nga Perëndia».
^ Ose «që të mos nxirrja në dritë veprat e tua?»
^ Ose «të përulurin». Fjalë për fjalë «të përvuajturin në frymë».
^ Ose «qëndron».
^ Fjalë për fjalë «frymës së njeriut». Shih Fjalorthin, «Fryma».
^ Me sa duket i referohet popullit të Izraelit.
^ Ose «renegat».
^ Ose «ta dëmshpërblej duke e ngushëlluar».
