Isaia 27:1-13
27 Atë ditë Jehovai, me shpatën e tij të pathyeshme, të madhe e të fortë,+do të ndëshkojë leviathanin,* gjarprin që rrëshqet,po, gjarprin dredha-dredha,dhe do ta vrasë këtë përbindësh deti.
2 Këndojini asaj* atë ditë:
«Një vresht me verë shkumëzuese!+
3 Unë, Jehovai, po e ruaj atë+dhe e ujis në çdo çast.+
Unë e ruaj ditë e natë,që askush të mos e dëmtojë.+
4 Nuk jam më i zemëruar me të.+
Nëse dikush më nxjerr ferra dhe barëra të këqija në betejë,unë do t’i shkel dhe do t’ua vë zjarrin të gjithave njëherësh.
5 Prandaj le të kapet fort pas kalasë sime,le të bëjë paqe me mua,po, le të bëjë paqe me mua.»
6 Në ditët që po vijnë, Jakobi do të lëshojë rrënjë,Izraeli do të lulëzojë e do të mbijë,+dhe do ta mbushë vendin me fryte.+
7 A duhet goditur siç bëri ai që e goditi?!
A duhet vrarë siç u masakruan të vrarët e tij?!
8 Me një thirrje të frikshme, ti do ta thërrasësh në gjyq këtë komb e do ta përzësh.
Ti do ta dëbosh me një erë të stuhishme në ditën e erës lindore.+
9 Kështu do të shlyhet faji i Jakobit,+dhe ky do të jetë rezultati i plotë kur t’i jetë hequr mëkati:
ai do t’i bëjë tërë gurët e altarit si pluhur gëlqereje,dhe s’do të mbeten më shtylla të shenjta* e mbajtëse temjani,+
10 sepse qyteti i fortifikuar do të shkretohet.
Kullotat do të lihen e do të braktisen, si të ishin shkretëtirë.+
Atje viçi do të kullotë, do të shtrihete do të hajë degët.+
11 Kur degëzat t’i thahen,do të vijnë gra që do t’i këputine do t’i përdorin për të ndezur zjarrin.
Pa dyshim ky popull s’është i mençur,*+prandaj Bërësi i tij nuk do të ketë mëshirë për të,Ai që e formoi, nuk do të ndiejë keqardhje për të.+
12 Atë ditë, Jehovai do ta shkundë frytin, që nga rrjedha e Lumit* deri te vadi* i Egjiptit,+ e do t’ju mbledhë njërin pas tjetrit, o popull i Izraelit.+
13 Atë ditë, një bri i madh do të kumbojë,+ dhe ata që janë duke vdekur në Asiri+ bashkë me të shpërndarët në Egjipt,+ do të vijnë e do të përkulen para Jehovait në malin e shenjtë në Jerusalem.+
Shënimet
^ Shih Fjalorthin.
^ Me sa duket i referohet Izraelit, që këtu personifikohet nga një grua dhe krahasohet me një vresht.
^ Shih Fjalorthin.
^ Ose «është pa mend».
^ Domethënë, Eufrati.
^ Shih Fjalorthin.
