Salm 88:1-18
Għanja ta’ dawk li jiġu minn Koraħ. Lid-direttur; fuq l-istil taʼ Maħalat,* biex titkanta waħda wara l-oħra. Maskil* taʼ Ħeman l-Eżraħi.
88 Ġeħova, l-Alla li ssalvani,Jien ngħajjatlek għall-għajnuna lejl u nhar.
2 Ħa tasal għandek it-talba tiegħi.
Ismagħni* meta ngħajjatlek għall-għajnuna.
3 Għax ħajti* mimlija inkwiet,U wasalt biex immut.*
4 In-nies diġà qed iqisuni fost dawk li neżlin fil-ħofra;*Sirt bħal raġel bla saħħa
5 Li tħalla fost il-mejtin.
Sirt bħan-nies maqtulin li qegħdin f’qabarLi int m’għadekx tiftakarhomU li m’għadx għandhom l-għajnuna tiegħek.
6 Int qegħedtni fl-iktar ħofra fonda,F’postijiet mudlama, f’abbiss kbir.
7 Int irrabjat ħafna miegħi.
Qed inħossok tkissirni,Qisek qed titfaʼ mewġ kbir kontrija. (Sela)
8 Int keċċejt ’il bogħod minni lil dawk li naf;Int għamiltni bħal xi ħaġa moqżieża għalihom.
Jien inħossni qiegħed f’nassa u ma nistax naħrab.
9 Għajnejja ddgħajfu minħabba t-tbatija tiegħi.
Jien ngħajjatlek għall-għajnuna l-ġurnata kollha, Ġeħova;Jien lilek nitlob.
10 Jistgħu l-mejtin jaraw il-mirakli tiegħek?
Jistgħu l-mejtin iqumu u jfaħħruk? (Sela)
11 Se tiġi mxandra l-imħabba* tiegħek fil-qabar,Jew il-lealtà tiegħek fil-post tal-qerda?*
12 Se jsiru jafu bl-affarijiet meraviljużi tiegħek fid-dlam?
U se jsiru jafu dwar il-ġustizzja tiegħek fl-art taʼ dawk minsijin?
13 Imma jien xorta għadni ngħajjat lilek għall-għajnuna, Ġeħova,Kull filgħodu t-talba tiegħi tiġi għandek.
14 Ġeħova, għala twarrabni?*
Għala taħbi wiċċek minni?
15 Ilni nbati u fil-periklu li mmutMinn mindu kont żagħżugħ;Jien qtajt qalbi minħabba l-affarijiet koroh li ħallejtni ngħaddi minnhom.
16 Jien inħossni bla saħħa minħabba r-rabja kbira tiegħek;Qed twerwirni u minħabba f’hekk daqt immut.
17 L-attakki tiegħek dawruni bħal ilmijiet il-ġurnata kollha;Qed jiġu għal fuqi minn kull naħa.*
18 Int keċċejt ’il bogħod minni l-ħbieb u lil dawk li jħobbuni;Qisu d-dlam l-uniku ħabib li għandi.
Noti taʼ taħt
^ Letteralment “Mejjel widintek lejja.”
^ Jew “ruħi.” Ara Termini tal-Bibbja Spjegati.
^ Letteralment “Ħajti waslet fil-Qabar,” jew “f’Xeol.” Ara Termini tal-Bibbja Spjegati.
^ Jew “fil-qabar.”
^ Jew “l-imħabba leali.” Ara Termini tal-Bibbja Spjegati.
^ Jew “f’Abaddon.”
^ Jew “twarrab lil ruħi.”
^ Jew forsi “kollha f’daqqa.”
