Salm 20:1-9
-
Alla jsalva lir-re magħżul tiegħu
-
‘Xi wħud jafdaw fil-karrijiet u fiż-żwiemel, imma aħna nafdaw f’isem Ġeħova’ (7)
-
Lid-direttur. Għanja taʼ David.
20 Jalla Ġeħova jwieġeb it-talba tiegħek f’jum it-tbatija.
Jalla isem l-Alla taʼ Ġakobb jipproteġik.
2 Jalla jgħinek mill-post qaddis,U jsaħħek minn Sijon.
3 Jalla jiftakar l-offerti kollha li għamilt;Jalla jaċċetta b’approvazzjoni* l-offerta tal-ħruq. (Sela)
4 Jalla jagħtik dak li tixtieq qalbekU jgħinek tirnexxi f’dak kollu li tippjana.
5 Aħna se ngħajtu bil-ferħ għax int issalvana;Se ngħollu l-bnadar tagħna biex infaħħru isem l-Alla tagħna.
Jalla Ġeħova jagħmel dak kollu li titolbu.
6 Issa nafu li Ġeħova jsalva lill-magħżul* tiegħu.
Hu jwieġbu mis-sema qaddisa tiegħuBilli bil-qawwa kbira li għandu* jġib salvazzjoni.*
7 Xi wħud jafdaw fil-karrijiet u oħrajn fiż-żwiemel,Imma aħna nafdaw f’isem Ġeħova l-Alla tagħna.
8 Huma tfixklu u waqgħu,Imma aħna qomna u rġajna waqafna dritti.
9 Ġeħova, salva lir-re!
Hu se jwiġibna dakinhar li ngħajtulu għall-għajnuna.
Noti taʼ taħt
^ Letteralment “jikkunsidra bħala xaħam.”
^ Letteralment “lill-midluk.” Ara Termini tal-Bibbja Spjegati.
^ Letteralment “b’idu l-leminija.”
^ Jew “rebħiet kbar.”
