Salm 21:1-13
Lid-direttur. Għanja taʼ David.
21 Ġeħova, ir-re jifraħ bis-saħħa li għandek;Hu ferħan ħafna għax int issalvah!
2 Int tajtu dak li tixtieq qalbu,U ma ċaħħadtux minn dak li talbek. (Sela)
3 Għax int tbierku ħafna,U tpoġġilu kuruna tad-deheb fin* fuq rasu.
4 Hu talbek ħajja twila,U int tajtu ħajja twila, saħansitra għal dejjem.
5 Il-glorja tiegħu hi kbira għax int salvajtu.
Int tajtu unur u sbuħija.
6 Int tbierku għal dejjem;Hu jħossu ferħan għax int miegħu.*
7 Ir-re jafda f’Ġeħova,Hu qatt mhu se jitfixkel,* għax l-Iktar Għoli jurih imħabba u lealtà.*
8 Idek se taqbad lill-għedewwa kollha tiegħek;Idek il-leminija se taqbad lil dawk li jobogħduk.
9 Fiż-żmien li għażilt, int se teqridhom bħallikieku titfagħhom fin-nar.
Ġeħova, int se tikkastigahom meta tkun irrabjat, u n-nar se jeqridhom.
10 Lit-tfal* tagħhom se tneħħihom minn fuq l-art,U lil dawk li jiġu minnhom se teqridhom għalkollox.
11 Għax huma kellhom il-ħsieb li jagħmlulek il-ħsara;Il-pjanijiet ħżiena tagħhom mhux se jirnexxu.
12 Int se ġġegħelhom iduru lura u jaħarbuBilli timmira l-qaws* tiegħek lejhom.*
13 Ġeħova, agħmel xi ħaġa u uri s-saħħa tiegħek.
Aħna se nfaħħruk bil-kant* għall-qawwa tiegħek.
Noti taʼ taħt
^ Jew “irfinut.”
^ Jew “għax qiegħed quddiem wiċċek.”
^ Jew “mhu se jogħtor (jitriegħed).”
^ Jew “imħabba leali.” Ara Termini tal-Bibbja Spjegati.
^ Letteralment “Il-frott.”
^ Letteralment “il-kordi tal-qaws.”
^ Letteralment “lejn wiċċhom.”
^ Letteralment “inkantaw u ndoqqu l-mużika.”
