Salm 116:1-19
116 Jien inħobbu lil ĠeħovaGħax hu jismagħni* meta nitolbu bil-ħniena biex jgħinni.
2 Hu jagħti kasi,*U sakemm indum ħaj, lilu se ngħajjat għall-għajnuna.
3 Il-ħbula tal-mewt daru miegħi.
Il-Qabar ħatafni taħt idu.*
Jien kont qed inbati u mdejjaq ħafna.
4 Imma tlabt lil Ġeħova billi użajt ismu, u għedtlu:
“Ġeħova, eħlisni!”*
5 Ġeħova hu qalbu tajba* u ġust;L-Alla tagħna hu ħanin.
6 Ġeħova jipproteġi lil dawk bla esperjenza.
Jien batejt ħafna u hu salvani.
7 Jalla nerġaʼ nistrieħ,*Għax Ġeħova ttrattani b’qalb tajba.
8 Alla tiegħi, int ħlistni* mill-mewt,Ixxottajtli d-dmugħ, u ma ħallejtnix nitfixkel.
9 Jien se ngħix u naqdi lil Ġeħova.
10 Għalkemm kont qed inbati ħafna,Jien tkellimt dwar dak li nemmen għax kelli l-fidi.
11 Meta kont ippanikjat għedt:
“In-nies kollha giddibin.”
12 X’nistaʼ nagħti lil ĠeħovaGħal dak kollu li għamel miegħi?
13 Jien se nixrob mit-tazza biex nirringrazzjah talli salvani.*
Se nfaħħar isem Ġeħova.
14 Jien se nagħmel dak li wegħedt lil ĠeħovaQuddiem il-poplu kollu tiegħu.
15 Ġeħova jweġġaʼ jekk imutu l-leali tiegħu.
16 Ġeħova, nitolbok bil-ħniena għax jien il-qaddej tiegħek.
Jien it-tifel tal-ilsira tiegħek.
Int ħlistni meta kont marbut.
17 Jien se noffrilek is-sagrifiċċju taʼ ringrazzjament;Se nfaħħar lil ismek, Ġeħova.
18 Jien se nagħmel dak li wegħedt lil ĠeħovaQuddiem il-poplu kollu tiegħu,
19 Fil-btieħi tat-tempju taʼ Ġeħova,F’nofs Ġerusalemm.
Faħħru lil Jah!*
Noti taʼ taħt
^ Jew forsi “Jien inħobb għax Ġeħova jismagħni.”
^ Letteralment “imejjel widintu lejja.”
^ Letteralment “It-tbatija taʼ Xeol sabitni.”
^ Jew “eħles lil ruħi.”
^ Jew “juri mogħdrija.”
^ Letteralment “terġaʼ tistrieħ ruħi.” Ara Termini tal-Bibbja Spjegati.
^ Jew “ħlist lil ruħi.”
^ Jew “ngħolli t-tazza tas-salvazzjoni grandjuża.”
^ Jew “Ħallelujah!” “Jah” hu forma mqassra tal-isem Ġeħova.
