Salm 132:1-18
Għanja tat-Tlajjaʼ.
132 Ġeħova, ftakar f’David,U fit-tbatija kollha tiegħu;
2 Hu ħalef lilek, Ġeħova;Hu għamel din il-wegħda miegħek, l-Alla b’Saħħtu taʼ Ġakobb:
3 “Mhux se nidħol fid-dar tiegħi.
Mhux se norqod fuq is-sodda tiegħi;
4 Jien mhux se norqodU lanqas nagħlaq għajnejja
5 Sakemm insib post għal Ġeħova,Post mill-isbaħ* għall-Alla b’Saħħtu taʼ Ġakobb.”
6 Aħna smajna dwaru f’Efrata;Sibnieh fil-foresta.
7 Ejja mmorru fil-post fejn joqgħod;*Ejja mmilu ħdejn il-banketta għal saqajh.
8 Ġeħova, ejja u idħol fil-post taʼ mistrieħ tiegħek,Int u l-Arka li turi s-saħħa tiegħek.
9 Jalla l-qassisin tiegħek jagħmlu kollox bil-ġustizzja.
Jalla l-leali tiegħek jgħajtu bil-ferħ.
10 Minħabba dak li wegħedt lil David il-qaddej tiegħek,Twarrabx il-magħżul tiegħek.*
11 Ġeħova, int ħlift lil David;Int żgur mhux se tmur lura minn dan il-kliem li għedt:
“Jien se nqiegħed fuq it-tron tiegħekWieħed mid-dixxendenti tiegħek.
12 Jekk it-tfal tiegħek iżommu l-patt tiegħiU t-tfakkiriet li tajthom,*Anki t-tfal tagħhomJoqogħdu fuq it-tron tiegħek għal dejjem.”
13 Għax int, Ġeħova, għażilt lil Sijon;Int xtaqtha bħala post fejn tgħix u għedt:
14 “Dan hu l-post taʼ mistrieħ għalija għal dejjem;Hawnhekk se ngħix, għax hekk nixtieq.
15 Jien se nbierek bil-kbir din il-belt bl-ikel;Se nxebbaʼ lill-foqra tagħha bil-ħobż.
16 Jien se nsalva lill-qassisin,*U l-leali tiegħi se jgħajtu bil-ferħ.
17 Hemmhekk se nżid is-saħħa* taʼ David.
Jien ħadt passi biex il-magħżul tiegħi jkollu dixxendent li jmexxi.*
18 Jien se nġiegħel lill-għedewwa tiegħu jistħu,Imma l-kuruna* tiegħu se tleqq.”
Noti taʼ taħt
^ Jew “Tabernaklu kbir.”
^ Jew “fit-tabernaklu l-kbir tiegħu.”
^ Letteralment “Iddawwarx wiċċ il-midluk tiegħek.”
^ Letteralment “għallimthom.”
^ Jew “Lill-qassissin tagħha se llibbishom is-salvazzjoni.”
^ Letteralment “il-qrun.”
^ Jew “Jien xgħelt lampa għall-midluk tiegħi.”
^ Jew “id-dijadema.”
