Salm 8:1-9
Lid-direttur; fuq il-Gittit.* Għanja taʼ David.
8 Mulej tagħna Ġeħova, ismek hu kbir mad-dinja kollha;Il-glorja tiegħek hi iktar għolja mis-sema!*
2 Minħabba l-għedewwa tiegħek, int urejt is-saħħa li għandekPermezz tat-tifħir mingħand it-tfal u t-trabi.
Dan għamiltu biex issikket lil dawk li huma kattivi u jiħduha kontrik.
3 Meta nara s-sema tiegħek li int ħlaqt,*Il-qamar u l-istilel li int għamilt,
4 Jien naħseb: ‘X’inhu l-bniedem biex int tiftakar fih,U bin il-bniedem biex tieħu ħsiebu?’
5 Int għamiltu ftit inqas mill-anġli,*U żejjintu bil-glorja u s-sbuħija.
6 Int tajtu awtorità fuq dak li ħlaqt;U poġġejt kollox taħt il-kontroll tiegħu:
7 In-nagħaġ, il-mogħoż, il-baqar kollha,L-annimali slavaġ,
8 L-għasafar, il-ħut,U kulma jgħix fil-baħar.
9 Mulej tagħna Ġeħova, ismek hu kbir mad-dinja kollha!
Noti taʼ taħt
^ Jew forsi “Int li l-glorja tiegħek tiġi mfaħħra ’l fuq mis-sema!”
^ Letteralment “xogħol subgħajk.”
^ Jew “minn dawk li qishom allat.”
