Salm 143:1-12
Għanja taʼ David.
143 Ġeħova, ismaʼ t-talba tiegħi;Agħti kas it-talba tiegħi għall-għajnuna.
Wiġibni għax int leali u ġust.
2 Jien il-qaddej tiegħek. Tiġġudikanix,Għax ħadd ma jistaʼ jkun ġust f’għajnejk.
3 Għax l-għadu tiegħi qed jiġri warajja;*Hu għaffiġni mal-art sakemm qatilni.
Hu ġegħelni ngħix fid-dlam bħal dawk li ilhom mejtin.
4 Jien* qed niddgħajjef;M’għadni nħoss xejn.
5 Jien niftakar fi żmien twil ilu;Nimmedita fuq dak kollu li għamilt int;Jien naħseb sew* dwar xogħol idejk.
6 Jien għollejt idejja lejk biex nitlob;Qed* nistenniek bħalma art niexfa tistenna x-xita. (Sela)
7 Ġeħova, fittex wiġibni;Saħħti* qed tiddgħajjef.
Taħbix wiċċek minni,Inkella nsir bħal dawk li neżlin fil-ħofra.*
8 Ħallini nesperjenza l-imħabba u l-lealtà* tiegħek filgħodu,Għax jien nafda fik.
Urini kif għandi ngħix,Għax jien lilek nitlob biex tiggwidani.*
9 Ġeħova, eħlisni mill-għedewwa tiegħi.
Jien lejk indur għall-protezzjoni.
10 Għallimni nagħmel dak li trid int,Għax int l-Alla tiegħi.
Int tajjeb;Jalla tiggwidani bl-ispirtu tiegħekBiex inkun nistaʼ nevita l-perikli u d-diffikultajiet.*
11 Ġeħova, żommni ħaj minħabba ismek.
Eħlisni* mit-tbatija tiegħi għax int ġust.
12 Ġib fix-xejn* lill-għedewwa tiegħi,Għax int turi mħabba u lealtà;Eqred lil dawk kollha li qed jaħqruni,*Għax jien il-qaddej tiegħek.
Noti taʼ taħt
^ Jew “wara ruħi.”
^ Letteralment “L-ispirtu tiegħi.”
^ Jew “nistudja.”
^ Jew “Ruħi.”
^ Letteralment “L-ispirtu tiegħi.”
^ Jew “fil-qabar.”
^ Jew “l-imħabba leali.” Ara Termini tal-Bibbja Spjegati.
^ Jew “nerfaʼ ruħi lejk.”
^ Jew “Fl-art tal-ġusti.”
^ Jew “Eħles lil ruħi.”
^ Letteralment “Sikket.”
^ Jew “jaħqru lil ruħi.”
