Isaias 8:1-22
8 Hi Jehova nagsiring ha akon: “Kuha hin daku nga papan,+ ngan gamit an ordinaryo nga pansurat,* surati ito hin ‘Maher-salal-has-baz.’*
2 Ngan susugoon ko nga maghimo hin sinurat nga kompirmasyon* hito an matinumanon nga mga testigo, hi Uria+ nga saserdote ngan hi Zacarias nga anak nga lalaki ni Jeberekias.”
3 Katapos, nakighilawas* ako ha propetisa,* ngan nagburod hiya ngan ha urhi nag-anak hin lalaki.+ Katapos, hi Jehova nagsiring ha akon: “Ngarani hiya hin Maher-salal-has-baz,
4 kay antes mahibaro an bata kon paonan-o tumawag hin ‘Tatay ko!’ ngan ‘Nanay ko!’ an mga bahandi han Damasco ngan an dinag-an han Samaria dadad-on ha atubangan han hadi han Asirya.”+
5 Hi Jehova nagsiring utro ha akon:
6 “Tungod kay iginsalikway hini nga katawohan an katubigan han Siloa* nga naawas hin hinay-hinay+Ngan nagkakalipay hira kan Rezin ngan ha anak ni Remalias,+
7 Kitaa! dadad-on ni Jehova kontra ha iraAn masulog ngan haluag nga katubigan han Salog,*An hadi han Asirya+ ngan an ngatanan niya nga kadungganan.
Pupun-on niya an ngatanan nga salad han iya mga sapaNgan maglalapwas hiya ha ngatanan niya nga ligid
8 Ngan maagi ha bug-os nga Juda.
Magbabaha hiya ngan malabay, nga naabot ha liog;+An iya nakabuklad nga mga pako makakalukop han kahaluag han imo tuna,O Immanuel!”*+
9 Daota hira, kamo nga mga katawohan, kondi madudugmok kamo.
Pamati, kamo ngatanan nga tikang ha higrayo nga mga bahin han tuna!
Pag-andam ha pakiggirra,* kondi madudugmok kamo!+
Pag-andam ha pakiggirra, kondi madudugmok kamo!
10 Paghimo kamo hin plano, kondi mapapakyas ito!
Pagyakan kamo han iyo karuyag, kondi diri ito maglalampos,Kay kaupod namon an Dios!*+
11 Samtang ginkakaptan ako han makusog nga kamot ni Jehova, ini an iya siring ha akon basi pahamangnoan ako nga diri sumunod ha pagkinabuhi hini nga katawohan:
12 “Ayaw niyo tawaga nga pagkunsabo an gintatawag hini nga katawohan nga pagkunsabo!
Ayaw niyo kahadluki an ira ginkakahadlokan;Ayaw kamo pangurog tungod hito.
13 Hi Jehova han mga hugpo—Hiya an angay niyo tagdon nga baraan,+Hiya an angay niyo kahadlokan,Ngan Hiya an angay makapakurog ha iyo.”+
14 Magigin sugad hiya hin santuaryo,Kondi sugad hin bato nga nakakapakdolNgan sugad hin bato nga nakakapatumba+Ha duha nga panimalay ni Israel,Sugad hin lit-ag ngan hin bitikHa mga naukoy ha Jerusalem.
15 Damu ha ira an mapapakdol ngan matutumba ngan mapipiangan;Mabibitik hira ngan madadakop.
16 Lukota an sinurat nga kompirmasyon;*Selyuhi an balaud* dida ha akon mga disipulo!
17 Padayon nga pamumulaton ko* hi Jehova,+ nga nagtatago han iya nawong tikang ha panimalay ni Jacob,+ ngan maglalaom ako ha iya.
18 Kitaa! Ako ngan an mga anak nga iginhatag ha akon ni Jehova+ sugad hin mga tigaman+ ngan sugad hin mga milagro ha Israel tikang kan Jehova han mga hugpo, nga naukoy ha Bukid Zion.
19 Ngan kon sumiring hira ha iyo: “Konsultaha niyo an mga espiritista o an mga parapanigo nga nahuni sugad hin tamsi ngan naghuhurutibhutib,” diri ba an sadang konsultahon han usa nga katawohan amo an ira Dios? Sadang ba hira kumonsulta ha mga patay para ha mga buhi?+
20 Lugod, sadang nira konsultahon an balaud ngan an sinurat nga kompirmasyon!*
Kon diri hira nagyayakan uyon hini nga pulong, waray hira kalamrag.*+
21 Ngan an kada tagsa nasasakit ngan ginugutom+ nga maagi ha tuna; ngan tungod kay ginugutom hiya ngan nasisina, iya igsusumpa an iya hadi ngan an iya Dios samtang nahangad hiya.
22 Katapos, magkikita hiya ha tuna ngan waray hiya iba nga makikita kondi kasakitan ngan kasisidman, kadulom ngan magkuri nga mga panahon, duro nga kasirom ngan kawaray-kapawa.
Mga footnote
^ Posible nga nangangahulogan nga “Nag-aapura Ngadto ha Dinag-an, Nagdadagmit Pagkadto ha Tinikas.”
^ Lit., “gamit an pansurat han mortal nga tawo.”
^ O “nga magin testigo; nga magpamatuod.”
^ Lit., “hinirani.”
^ Karuyag sidngon, an asawa ni Isaias.
^ An Siloa usa nga paawasan hin tubig.
^ Karuyag sidngon, an Eufrates.
^ O “Pagtakgong kamo.”
^ O “an pamatuod.”
^ O “instruksyon.”
^ O “Huhulaton ko gud.”
^ O “an pamatuod.”
^ Lit., “maagahon.”
