Isaias 15:1-9

  • Mensahe kontra ha Moab (1-9)

15  Ini an usa nga mensahe kontra ha Moab:+ Tungod kay ginbungkag ito ha usa ka gab-i,An Ar+ han Moab ginpahilom. Tungod kay ginbungkag ito ha usa ka gab-i,An Kir+ han Moab ginpahilom.   Sinaka hiya ngadto ha Balay* ngan ngadto ha Dibon,+Ngadto ha higtaas nga mga lugar basi tumangis. An Moab nagngunguyngoy tungod ha Nebo+ ngan tungod ha Medeba.+ An tagsa nga ulo ginkalbo,+ an tagsa nga bungot gin-ahitan.+   Ha mga kalye hito nagsul-ot hira hin sako nga panapton. Ha ira mga atop ngan ha ira mga plasa nanngunguyngoy hira ngatanan;Nanlulusad hira nga nagtitinangis.+   An Hesbon ngan an Eleale+ naguliat;An ira tingog nababatian tubtob ha Jahaz.+ Ito an hinungdan nga an armado nga kalalakin-an han Moab padayon nga nasinggit. Nangungurog hiya.*   An akon kasingkasing nangangaraba tungod ha Moab. An mga puga hito namalagiw tubtob ha Zoar+ ngan Eglat-selisiya.+ Ha dalan nga tipasagka ha Luhit nananangis hira samtang nananagka;Ha dalan tipakadto ha Horonaim nangangaraba hira tungod han kadaot.+   Kay an katubigan han Nimrim nagin binayaan;An berde nga mga banwa nauga,An mga banwa nawara na ngan waray na bisan ano nga berde nga nahibilin.   Ito an hinungdan nga gindadara nira an nahibilin han ira mga natirok ngan han ira mga bahandi;Nananabok hira ha walog* nga may mga kahoy nga alamo.   Kay an pangaraba naaningal ha bug-os nga teritoryo han Moab.+ An pagnguyngoy nakaabot ha Eglaim;An pagnguyngoy nakaabot ha Beer-elim.   Kay an katubigan han Dimon puno hin dugo,Ngan may-ada pa ako igin-andam para ha Dimon: Usa nga leon para ha mga Moabita nga namamalagiwNgan para ha mga nahibilin ha tuna.+

Mga footnote

O “ha Templo.”
O “an iya kalag.”
Kitaa an Glossary.