Isaias 4:1-6

  • Pito nga babaye ha usa nga lalaki (1)

  • An pasasaringsingon ni Jehova magigin mahimayaon (2-6)

4  Ngan pito nga babaye an makapot ha usa nga lalaki hito nga adlaw,+ nga nasiring: “An amon kalugaringon nga tinapay an amon kakaunonNgan an amon kalugaringon nga bado an amon isusul-ot;Basta tawagon la unta kami ha imo ngaranBasi makuha an amon kaarawdan.”*+  Hito nga adlaw an pasasaringsingon ni Jehova magigin makaruruyag gud ngan mahimayaon, ngan an bunga han tuna maghahatag hin kadungganan ngan kadayawan ha mga nahisalin nga buhi han Israel.+  An bisan hin-o nga mahibibilin ha Zion ngan mahisasalin ha Jerusalem tatawagon nga baraan, an ngatanan ha Jerusalem nga iginsurat basi padayon nga mabuhi.+  Ha panahon nga hugasan na ni Jehova an hugaw* han mga anak nga babaye han Zion+ ngan kuhaon na an pagpamatay* dida ha Jerusalem pinaagi han espiritu han paghukom ngan espiritu han pagsunog,+  maghihimo liwat hi Jehova ha bawbaw han bug-os nga lugar han Bukid Zion ngan ha bawbaw han dapit han mga kombensyon hini hin dampog ha adlaw ngan hin malamrag nga naglalaga nga kalayo ha gab-i;+ kay ha bawbaw han bug-os nga mahimayaon nga lugar magkakaada tabon nga nagpapanalipod.  Ngan magkakaada payag nga masisirongan tikang ha kapaso+ kon adlaw, ngan magigin arayopan ngan proteksyon tikang ha mga bagyo ngan ha uran.+

Mga footnote

Karuyag sidngon, an kaarawdan han pagin waray asawa ngan waray anak.
Lit., “tai.”
Lit., “pagpaagay hin dugo.”