Isaias 50:1-11
50 Ini an siring ni Jehova:
“Hain an sertipiko han pagdiborsyo+ han iyo nanay, nga akon ginpaiwas?
O hin-o ha akon mga gin-utangan an ginbaligyaan ko ha iyo?
Kitaa! Tungod han iyo mismo mga sayop+ iginbaligya kamo,Ngan tungod han iyo mismo mga pagtalapas ginpaiwas an iyo nanay.+
2 Salit kay ano nga waray bisan usa nga nakanhi han kinanhi ako?
Kay ano nga waray bisan usa nga binaton han nagtawag ako?+
Halipot ba an akon kamot para magtubos,O waray ba ako gahum ha pagtalwas?+
Kitaa! Pinaagi han akon pagsaway ginpapahubas ko an dagat;+Ginhihimo ko nga disyerto an mga salog.+
An mga isda hito nadudunot tungod han kawaray-tubig,Ngan namamatay hira tungod han kauhaw.
3 Ginsusul-otan ko an kalangitan hin duro nga kasirom,+Ngan ginhihimo ko nga ira tabon an sako nga panapton.”
4 Hi Jehova nga Soberano nga Ginoo naghatag ha akon han dila han mga natutdoan,*+Basi mahibaro ako kon paonan-o babatunon* an kinakapoy pinaagi han husto nga pulong.*+
Iya ako ginpupukaw kada aga;Iya ginpupukaw an akon talinga basi mamati pariho han mga natutdoan.+
5 Hi Jehova nga Soberano nga Ginoo nag-abri han akon talinga,Ngan waray ako magin rebelyoso.+
Waray ako tumalikod.+
6 Igin-atubang ko an akon likod ha mga naghahampak ha akon,Ngan an akon mga bayhon ha mga nag-ubos paggabot han mga buhok hito.*
Waray ko itago an akon nawong ha makaarawod nga mga butang ngan ha lurâ.+
7 Kondi hi Jehova nga Soberano nga Ginoo mabulig ha akon.+
Tungod hito diri ako maabat hin kaalo.
Tungod hito an akon nawong ginhimo ko nga sugad hin matig-a nga bato,+Ngan maaram ako nga diri ako mahibubutang ha kaarawdan.
8 Hiya nga nagpapahayag nga matadong ako aada ha hirani.
Hin-o an makakag-akusar* ha akon?+
Manindog kami nga duha.*
Hin-o an may kaso kontra ha akon?
Dumaop hiya ha akon.
9 Kitaa! Hi Jehova nga Soberano nga Ginoo mabulig ha akon.
Hin-o an masiring nga salaan ako?
Kitaa! Hira ngatanan madadaan pariho hin bado.
Kukutkuton hira hin insekto.
10 Hin-o ha iyo an may kahadlok kan JehovaNgan namamati ha tingog han iya surugoon?+
Hin-o an naglalakat ha duro nga kasisidman, nga waray bisan ano nga kapawa?
Sumarig hiya ha ngaran ni Jehova ngan dumepende* ha iya Dios.
11 “Kitaa! Kamo ngatanan nga nagpapalarab hin kalayoNgan nagpapakalpad han mga bága,Lakat kamo ha kalamrag han iyo kalayo,Ha butnga han nagkakalpad nga mga bága.
Ini an iyo makakarawat tikang ha akon kamot:
Mahigda kamo nga duro an kasakit.
Mga footnote
^ O posible nga “paririg-unon.”
^ Lit., “pinaagi hin pulong.”
^ O “hin dila nga nabansay hin maopay.”
^ O “ha mga nagrabot han bungot.”
^ O “makikiglantugi.”
^ O “Mag-atubang kami.”
^ O “tumapod.”