Isaias 17:1-14

  • Mensahe kontra ha Damasco (1-11)

  • Mga nasud sasawayon ni Jehova (12-14)

17  Ini an usa nga mensahe kontra ha Damasco:+ “Kitaa! An Damasco diri na magigin syudad,Ngan magigin tambak ito han kagubaan.+   An mga syudad han Aroer+ babayaan;Magigin mga lugar ito nga hihigdaan han mga panonNgan waray bisan hin-o nga makakapahadlok ha ira.   An pinader nga mga syudad mawawara ha Efraim,+Ngan an ginhadian mawawara ha Damasco;+Ngan an mga nahibilin han SiryaMagigin pariho han dungog han mga Israelita,”* nasiring hi Jehova han mga hugpo.   “Hito nga adlaw an dungog han Jacob maiibanan,Ngan an iya mahimsog nga lawas* magigin magasa.   Magigin pariho ito han panahon nga gintitirok han mag-arani an mga lugas ha umaNgan gin-aani han iya butkon an mga uhay,Pariho han panahon nga an usa nga tawo nagtitirok han mga salin nga lugas ha Walog* han Refaim.+   Mga salin la an mahibibilin,Sugad han panahon nga ginbabalbag an mga sanga han kahoy nga olibo: Duha o tulo la nga hinog nga olibo an mahibibilin dida ha pinakahitaas nga sanga,Upat o lima la dida ha namumunga nga mga sanga hito,”+ nasiring hi Jehova nga Dios han Israel.  Hito nga adlaw an tawo mahangad ngadto ha Dios nga naghimo ha iya, ngan an iya mga mata magkikinita ha Baraan nga Dios han Israel.  Diri hiya magkikita ha mga halaran,+ an buhat han iya mga kamot;+ ngan diri hiya magkikinita ha ginhimo han iya mga tudlo, ha sagrado nga mga poste* man o ha mga burutangan han insenso.   Hito nga adlaw an iya pinader nga mga syudad magigin pariho hin binayaan nga lugar ha kagurangan,+Pariho hin sanga nga ginbayaan ha atubangan han mga Israelita;Magigin binayaan ito. 10  Kay imo ginkalimtan an Dios+ nga nagtatalwas ha imo;Waray mo hinumdumi an Bato,+ an imo kuta. Ito an hinungdan nga nagtatanom ka hin mag-opay* nga mga tanaman Ngan gintatamnan mo ito han saha hin estranghero.* 11  Ha adlaw imo gin-aalad hin maopay an imo tanaman,Ha aga imo ginpapaturok an imo binhi,Kondi mawawara an ani ha adlaw han sakit ngan han kaul-ol nga diri natatambal.+ 12  Pamati! May karigumok han damu nga mga katawohan,Nga sugad kaaringasa han mabalud nga kadagatan! May aringasa han mga nasud,Nga an tunog pariho han hagubuhob han masulog nga katubigan! 13  An mga nasud maghihimo hin tunog nga pariho han hagubuhob han damu nga katubigan. Iya hira sasawayon, ngan mamamalagiw hira hin hirayo,Nga gintabog pariho han upa ha kabukiran nga iginpapalid han hangin,Pariho hin uga nga banwa nga nagkukurokaliding tungod han makusog gud nga hangin. 14  Ha pagsirom may-ada makaharadlok gud nga panhitabo. Antes umabot an aga waray na hira. Ini an bahín han mga naninikas ha atonNgan an malon han mga nanunulis ha aton.

Mga footnote

Lit., “mga anak nga lalaki ni Israel.”
Lit., “an tambok han iya unod.”
O “Hamubo nga Kapatagan.”
Kitaa an Glossary.
O “makaruruyag.”
O “iba nga dios.”