Isaias 11:1-16
11 Usa nga gutiay nga sanga+ an matubo tikang ha tuod ni Jesse,+Ngan usa nga saha+ tikang ha iya mga gamot an mamumunga.
2 Ngan mapupuno hiya han espiritu ni Jehova,+Han espiritu han kinaadman+ ngan han pagsabot,Han espiritu han sagdon ngan han pagkagamhanan,+Han espiritu han kahibaro ngan han kahadlok kan Jehova.
3 Ngan malilipay hiya ha pagkahadlok kan Jehova.+
Diri hiya maghuhukom uyon ha nakikita han iya mga mataO magsasaway uyon la ha nababatian han iya mga talinga.+
4 Magigin patas* an iya paghukom ha mga ubos,Ngan pinaagi han katadongan magsasaway hiya para ha mga maaghop ha tuna.
Iya babalbagon an tuna pinaagi han tungkod nga nagawas ha iya baba+Ngan papatayon an maraot pinaagi han gininhawa* han iya mga im-im.+
5 Pagkamatadong an magigin paha ha iya hawak,Ngan pagkamatinumanon an magigin paha ha iya mga baliatang.+
6 An lobo matampo hin pipira ka panahon ha nati nga karnero,+Ngan an leopardo mahigda upod an nati nga kanding,Ngan an nati nga baka ngan an leon ngan an pinatambok nga hayop magkakaurupod;*+Ngan usa nga gutiay nga bata an magtutugway ha ira.
7 An baka ngan an oso mangangaon nga magkaupod,Ngan an ira mga nati manhihigda nga magkaupod.
An leon makaon hin uhot pariho han todo nga baka.+
8 An nasuso nga bata mag-uuyag ha balay han kobra,Ngan an ginlutas nga bata magbubutang han iya kamot ha bawbaw han buho han malara nga halas.
9 Diri hira mandadaot+O manruruba ha akon bug-os nga baraan nga bukid,+Kay an tuna mapupuno gud han kahibaro mahitungod kan JehovaSugad la nga an dagat nalulukop hin katubigan.+
10 Hito nga adlaw an gamot* ni Jesse+ matindog sugad nga tigaman* para ha mga katawohan.+
Ha iya mangangaro hin giya an mga nasud,*+Ngan an iya lugar nga pahuwayan magigin mahimayaon.
11 Hito nga adlaw ig-aabot utro ni Jehova an iya kamot, ha ikaduha nga higayon, basi an nanhibilin han iya katawohan bawion ha Asirya,+ ha Ehipto,+ ha Patros,+ ha Cus,+ ha Elam,+ ha Sinar,* ha Hamat, ngan ha mga isla ha dagat.+
12 Magbubutang hiya hin tigaman* para ha mga nasud ngan magtitirok han nagpatlaag nga katawohan han Israel,+ ngan iya titirukon an nagpatsarang* nga katawohan han Juda tikang ha upat nga eskina han tuna.+
13 Mawawara na an pangabugho han Efraim,+Ngan bubungkagon an mga kaaway han Juda.
An Efraim diri mangangabugho ha Juda,Ngan an Juda diri makikig-away ha Efraim.+
14 Ngan malaksi nga magtitipaubos hira ha mga bakilid* han mga Filisteo ha weste;An katawohan ha Este urosa nga pangunguhaan nira hin mga butang sugad nga dinag-an.
Ira ig-uunat an ira kamot kontra* ha Edom+ ngan ha Moab,+Ngan magigin sakop nira an mga Ammonita.+
15 Tutung-on* ni Jehova an gulpo* han dagat han Ehipto+Ngan igwawarawara an iya kamot ha bawbaw han Salog.*+
Pinaagi han iya nakakapaso nga gininhawa* iya ito hahampakon ha pito nga sapa hito,*Ngan iya patatabukon an katawohan nga sul-ot an ira sandalyas.
16 Ngan magkakaada kalsada+ tipagawas ha Asirya para ha nanhibilin han iya katawohan,+Sugad la hadto ha Israel ha adlaw nga ginawas hira ha tuna han Ehipto.
Mga footnote
^ O “matadong.”
^ O “espiritu.”
^ O posible nga “Ngan an nati nga baka ngan an leon mangangaon nga magkaupod.”
^ O “tulin.”
^ O “tigaman nga poste.”
^ O “Pamimilngon hiya han mga nasud.”
^ Karuyag sidngon, an Babilonya.
^ O “tigaman nga poste.”
^ Ha iba nga lugar, “nagburublag.”
^ Lit., “ha sugbong.”
^ O “pahahaluagon an ira gahum ngadto.”
^ O posible nga “Pamamarahon.”
^ Lit., “dila.”
^ Karuyag sidngon, an Eufrates.
^ O “espiritu.”
^ O posible nga “babalbagon basi magin pito nga sapa.”
