Isaias 47:1-15

  • Kapukan han Babilonya (1-15)

    • Mga astrologo iginbuhayhag (13-15)

47  Lusad ngan lingkod ha tapotapo,O birhen nga anak nga babaye han Babilonya.+ Lingkod ha tuna diin waray trono,+O anak nga babaye han mga Caldeo,Kay an mga tawo diri na gud magtatawag ha imo nga presyoso ngan pinaura.   Kuha hin de-mano nga gilingan ngan paggiling hin harina. Tanggala an imo belo. Hukasa an ubos nga bahin han imo bado, ipakita an imo mga bitiis. Tabok ha mga salog.   Makikita an imo pagin hubo. Mabubuhayhag an imo kaarawdan. Mabulos ako,+ ngan waray tawo nga magpupugong ha akon.*   “Hiya nga nagtutubos ha aton—Jehova han mga hugpo an iya ngaran— An Baraan nga Dios han Israel.”+   Lingkod dida hin hilom ngan pakadto ha kasisidman,O anak nga babaye han mga Caldeo;+Diri ka na nira tatawagon nga Agaron nga Babaye* han mga Ginhadian.+   Nasina ako ha akon katawohan.+ Gintugotan ko nga mapasiparahan an akon panurundon.+ Ngan igintubyan ko hira ha imo kamot.+ Kondi waray ka magpakita hin kalooy ha ira.+ Bisan an mga lagas imo ginpapas-an hin mabug-at nga yugo.+   Nagsiring ka: “Pirme ako an magigin Agaron nga Babaye* ha kadayonan.”+ Waray mo ibutang ha kasingkasing ini nga mga butang;Waray mo hunahunaa kon paonan-o ini matatapos.   Yana pamatii ini, O ikaw nga mahigugmaon ha kalipayan,+Ikaw nga nalingkod nga may seguridad, nga nasiring ha imo kasingkasing: “Labot ha akon, waray na lain pa.+ Diri ako magigin balo,Diri gud ako makakaeksperyensya hin kawad-i hin mga anak.”+   Kondi inin duha nga butang tigda nga mahitatabo ha imo, ha usa la ka adlaw:+ Mawawad-an ka hin mga anak ngan magigin balo. Mahitatabo gud ini ha imo+Tungod* han imo damu nga pamarang ngan han ngatanan mo nga gamhanan nga lumay.+ 10  Sinarig ka ha imo karaotan. Nagsiring ka: “Waray nakakakita ha akon.” An imo kinaadman ngan kahibaro an nagsimang ha imo,Ngan nasiring ka ha imo kasingkasing: “Labot ha akon, waray na lain pa.” 11  Kondi maabot ha imo an kabungkagan,Ngan waray bisan usa han imo mga panlumay an makakapugong hito.* Maieksperyensyahan mo an kasakitan; diri mo ito malilikyan. Maabot ha imo an tigda nga kadaot nga waray mo gud laumi.+ 12  Sige, ipadayon an imo mga panlumay ngan an imo damu nga pamarang,+Nga imo ginpinanigurohan tikang ha imo kabata. Bangin man la makapahimulos ka;Bangin man la mahadlok ha imo an mga tawo. 13  Ginkapoy ka na tungod han kadamu han imo mga magsaragdon. Tumindog hira yana ngan talwason ka,Adton nagsisingba han kalangitan,* nga nagkikinita ha mga bitoon,+Adton naghahatag hin kahibaro ha panahon han mga dulomMahitungod han mga butang nga mahitatabo ha imo. 14  Kitaa! Pariho hira hin dagami. Mauugtang hira ha kalayo. Diri nira matatalwas an ira kalugaringon* tikang ha gahum han laga. Diri ini bága para ha pagpapaso,Ngan diri ini kalayo nga ha atubangan hito puydi lumingkod. 15  Sugad hini an dadangatan han imo mga paralumay,Nga kaupod mo ha pagpinaniguro tikang ha imo kabata. Magpapatlaag hira, an tagsa ngadto ha iya kalugaringon nga direksyon.* Waray bisan usa nga makakatalwas ha imo.+

Mga footnote

O posible nga “ngan diri ako magigin buotan ha bisan hin-o nga akon igkatapo.”
O “Rayna.”
O “Rayna.”
O posible nga “Bisan pa.”
O “Ngan diri ka mahibabaro ha pagpaiwas hito pinaagi han panlumay.”
O posible nga “Adton nagbabahin-bahin han kalangitan; An mga astrologo.”
O “an ira kalag.”
Lit., “ngadto ha iya kalugaringon nga rehiyon.”