Isaias 34:1-17
34 Daop, kamo nga mga nasud, basi kamo makabati,Ngan paghatag hin atensyon, kamo nga mga katawohan.
Papamatia an tuna ngan an ngatanan nga aada hito,An tuna ngan an ngatanan nga nabubuhi dida hito.
2 Kay nasisina hi Jehova ha ngatanan nga nasud,+Ngan napupungot hiya ha ngatanan nira nga sundalo.+
Pupoohon niya hira;Pamamatayon niya hira.+
3 Iglalabog an mga ginpamatay dida ha ira,Ngan mangangalisngaw an baho han ira mga patay;+An kabukiran matutunaw tungod* han ira dugo.+
4 An bug-os nga hugpo han langit madudunot,Ngan an langit lilikiron pariho hin linukot nga basahon.
An bug-os nira nga hugpo mauuga,Sugad la nga an uga nga dahon nahuhulog tikang ha tanom nga ubasNgan an uga nga igos nahuhulog tikang ha kahoy nga igos.
5 “Kay ha kalangitan an akon espada mahuhulos.+
Malusad ito basi maghukom ha Edom,+Ha katawohan nga akon gindesisyonan nga bungkagon.
6 Hi Jehova may espada; mapuputos ito hin dugo.
Mapuputos ito han tambok,+Han dugo han mga karnero nga lalakí ngan han mga kanding,Han tambok han kidney han mga karnero nga lalakí.
Kay hi Jehova may halad ha Bozra,Usa nga duro nga pamatay ha tuna han Edom.+
7 An ihalas nga todo nga mga baka maupod ha ira ha paglugsad,An turilyo nga mga baka upod han magkusog nga todo nga mga baka.
An ira tuna mahuhulos hin dugo,Ngan an ira tapotapo mabababad ha tambok.”
8 Kay hi Jehova may adlaw han pagbulos,+Usa nga tuig han pagsirot tungod han kaso han Zion.+
9 An iya* mga sapa magigin alkitran,Ngan an iya tapotapo magigin asupre,Ngan an iya tuna magigin pariho han naglalaga nga alkitran.
10 Ha gab-i man o ha adlaw diri ito mapaparong;An aso hito padayon nga magtitipaigbaw ha kadayonan.
Magpapabilin hiya nga guba ha ngatanan nga henerasyon;Waray maagi ha iya ha kadayonan, oo ha kadayonan.+
11 An tamsi nga pelikan ngan an porkupino magtatag-iya ha iya,Ngan an mga bukaw nga hilaba an talinga ngan an mga uwak maukoy ha iya.
Uunaton Niya ha bawbaw niya an higot nga isurukol han pagin waray sulodNgan an tunton* han pagin binayaan.
12 Waray bisan usa han iya mga dungganon an hihimoon nga hadi,Ngan an ngatanan niya nga prinsipe mawawara na.
13 Katunokan an matubo ha iya magrig-on nga mga torre,Tunukon nga mga tanom ngan mga banwa an matubo ha iya mga kuta.
Magigin luruk-an hiya han mga tsakal,*+Usa nga urukyan para ha mga ostrits.
14 An ihalas nga mga hayop ha disyerto matampo ha nauwang nga mga hayop,Ngan an ihalas nga kanding* matawag ha kaupod hito.
Oo, didto maukoy an tamsi nga tagkaro ngan makakaagi hin lugar nga pahuwayan.
15 Didto an halas magbabalay ngan magbubonay,Ngan lulumloman niya an iya mga bonay tubtob ha kapusa ngan papanalipdan ito.
Oo, didto magtitirirok an mga banog, an tagsa upod han iya padis.
16 Pag-usisa ha libro ni Jehova ngan basaha ito ha daku nga tingog:
Waray bisan usa ha ira an mawawara;Waray bisan usa an mawawad-an hin padis,Kay an baba ni Jehova an nagsugo hini,Ngan an espiritu niya an nagtirok ha ira.
17 Hiya an nagripa para ha ira,Ngan an iya mismo kamot an nagsukol han lugar nga igintoka ha ira.*
Pagtatag-iyahon nira ito ha ngatanan nga panahon;Maukoy hira dida hito ha ngatanan nga henerasyon.
