Isaias 62:1-12
-
Bag-o nga ngaran han Zion (1-12)
62 Para ha Zion diri ako magpapabilin nga hilom,+Ngan para ha Jerusalem diri ako magpapabilin nga waray ginhihimoTubtob nga an iya katadongan sumanag pariho hin mapawa nga kalamrag+Ngan an iya katalwasan lumaga pariho hin sulô.+
2 “Makikita han mga nasud an imo pagkamatadong, O babaye,+Ngan han ngatanan nga hadi an imo kadungganan.+
Ngan tatawagon ka ha bag-o nga ngaran,+Nga pipilion han baba mismo ni Jehova.
3 Magigin matahom ka nga korona nga aada ha kamot ni Jehova,Usa nga hadianon nga putos ha ulo nga aada ha palad han imo Dios.
4 Diri ka na tatawagon nga babaye nga ginbayaan,+Ngan an imo tuna diri na tatawagon nga binayaan.+
Kondi tatawagon ka nga An Akon Kalipay Aada ha Iya,+Ngan an imo tuna tatawagon nga an Inasaw-an nga Babaye.
Kay hi Jehova malilipay ha imo,Ngan an imo tuna magigin sugad hin babaye nga inasaw-an.
5 Kay sugad la nga an usa nga olitawo nangangasawa hin birhen,An imo mga anak nga lalaki mangangasawa ha imo.
Pariho han pagrayhak han usa nga karaslon nga lalaki tungod han iya maarasawa,An imo Dios magrarayhak tungod ha imo.+
6 Ha bawbaw han imo mga pader, O Jerusalem, nagtoka ako hin mga bantay.
Ha bug-os nga adlaw ngan ha bug-os nga gab-i, diri hira sadang magpabilin nga hilom.
Kamo nga mga nag-uunabi mahitungod kan Jehova,Ayaw kamo pamahuway,
7 Ngan ayaw niyo hiya papahuwaya tubtob nga diri pa niya maestablisar hin marig-on an Jerusalem,Oo, tubtob nga diri pa Niya hiya mahimo nga kadayawan han tuna.”+
8 Hi Jehova nanumpa pinaagi han iya too nga kamot, pinaagi han iya makusog nga butkon:
“An imo mga lugas diri ko na ihahatag sugad nga pagkaon han imo mga kaaway,Ngan an mga taga-iba nga nasud diri na mainom han imo bag-o nga bino, nga imo ginkapoyan.+
9 Kondi an mga nagtitirok hito makaon hito ngan magdadayaw kan Jehova;Ngan an mga nangungolekta hito mainom hito ha akon baraan nga mga bungsaran.”+
10 Agi kamo, agi kamo ha mga ganghaan.
Hawani niyo an dalan para ha katawohan.+
Tambaki niyo hin tuna, tambaki niyo hin tuna an kalsada.
Panguhai niyo ito hin mga bato.+
Pagbutang kamo hin tigaman* para ha mga katawohan.+
11 Kitaa! Hi Jehova nagpasamwak ngadto ha mga sidsid han tuna:
“Sidnga niyo an anak nga babaye han Zion,‘Kitaa! An imo katalwasan tiabot na.+
Kitaa! An iya balos aada ha iya,Ngan an bayad nga iya iginhahatag aada ha iya atubangan.’”+
12 Tatawagon hira nga an baraan nga katawohan, an mga gintubos ni Jehova,+Ngan tatawagon ka nga usa nga Syudad nga Ginbiling, usa nga Syudad nga Waray Bayai.+
Mga footnote
^ O “tigaman nga poste.”
