Isaias 61:1-11

  • Gindihogan ha pagpasamwak hin maopay nga sumat (1-11)

    • “Tuig han pagkabuotan ni Jehova” (2)

    • ‘Dagku nga kahoy han katadongan’ (3)

    • Mabulig an taga-iba nga nasud (5)

    • “Mga saserdote ni Jehova” (6)

61  An espiritu ni Jehova nga Soberano nga Ginoo aadi ha akon,+Kay gindihogan ako ni Jehova basi magpasamwak hin maopay nga sumat ha mga maaghop.+ Ginsugo niya ako basi tambalon an mga ruba an kasingkasing,Basi magpasamwak hin kagawasan ha mga bihagNgan han bug-os nga pagpukrat han mga mata ha mga priso,+   Basi ipasamwak an tuig han pagkabuotan* ni JehovaNgan an adlaw han pagbulos han aton Dios,+Basi liawon an ngatanan nga nabibido,+   Basi magtagana ha mga nabibido tungod han Zion,Basi tagan hira hin belo imbes nga abo,Han lana han pagrayhak imbes nga kabido,Han bado han pagdayaw imbes nga masurub-on nga espiritu. Ngan tatawagon hira nga dagku nga mga kahoy han katadongan,An tinanom ni Jehova, basi himayaon* hiya.+   Ira tutukuron utro an kadaan nga kagubaan;Ira titindugon an binayaan nga mga lugar han naglabay,+Ngan ira ipapahiuli an nabungkag nga mga syudad,+An mga lugar nga ginbayaan ha sulod han damu nga henerasyon.+   “An mga estranghero matindog ngan mag-aataman ha iyo mga panon,Ngan an mga taga-iba nga nasud+ magigin iyo mga parag-uma ngan iyo mga trabahador ha urubasan.+   Mahitungod ha iyo, tatawagon kamo nga mga saserdote ni Jehova;+Tatawagon nira kamo nga mga surugoon han aton Dios. Kakaunon niyo an mga panag-iya han mga nasud,+Ngan ighahambog niyo an ira himaya.*   Imbes nga kaarawdan magkakaada doble nga bahín an akon katawohan,Ngan imbes nga kaalohan masinggit hira hin malipayon tungod han ira malon. Oo, magtatag-iya hira hin doble nga bahín ha ira tuna.+ Magrarayhak hira ha kadayonan.+   Kay ako, hi Jehova, nahigugma ha hustisya;+Nangangalas ako ha panulis ngan ha pagkadiri-matadong.+ Magigin matinumanon ako ha paghatag ha ira han ira suhol,Ngan maghihimo ako hin waray kataposan nga kasabotan ha ira.+   Makikilala an ira mga anak* ha butnga han mga nasud+Ngan an ira katulinan ha butnga han mga katawohan. An ngatanan nga nakita ha ira makilala ha ira,Nga hira an mga anak* nga ginbendisyonan ni Jehova.”+ 10  Magrarayhak gud ako tungod kan Jehova. An akon bug-os nga pagkatawo* magkakalipay tungod ha akon Dios.+ Kay ginsul-otan niya ako han mga bado han katalwasan;+Ginputos niya ako han hilaba nga bado* han katadongan,Pariho gud hin karaslon nga lalaki nga nagsusul-ot hin putos ha ulo nga pariho han kanan saserdote,+Ngan pariho hin karaslon nga babaye nga nagsusul-ot han iya mga alahas. 11  Kay sugad la nga an tuna nagpapatubo han mga naturok dida hito Ngan sugad la nga an garden nagpapaturok han iginsabwag dida hito,Hi Jehova nga Soberano nga GinooMagpapaturok liwat han katadongan+ ngan pagdayaw+ ha atubangan han ngatanan nga nasud.

Mga footnote

O “pag-uyon.”
O “patahumon.”
O “karikohan.”
Lit., “an ira binhi.”
Lit., “an binhi.”
O “akon kalag.”
O “han waray pako nga bado.”