Isaias 46:1-13
46 Hi Bel naduko,+ hi Nebo nakaob.
An ira mga idolo iginkakarga ha mga hayop, ha mga hayop nga pantrabaho,+Pariho hin bagahe nga nakakapabug-at ha kinakapoy nga mga hayop.
2 Pariho hira nakaob ngan naduko;Diri hira nakakatalwas ha mga karga,*Ngan hira mismo* nagigin bihag.
3 “Pamati ha akon, O panimalay ni Jacob, ngan kamo ngatanan nga nahibilin ha panimalay ni Israel,+Kamo nga akon ginsuportaran tikang ha katawo ngan gindara tikang ha tagoangkan.+
4 Tubtob ha imo kalagas, diri ako magbabag-o;+Tubtob nga magin ubanon ka, pirme ko ikaw papas-anon.
Sugad han akon ginbuhat, dadad-on ko ikaw ngan papas-anon ko ikaw ngan tatalwason ko ikaw.+
5 Kan kanay niyo ako igpapariho o igtutupong o igkukompara,+Basi makita nga may kaparihoan kami?+
6 May mga tawo nga naggagawas hin damu nga bulawan tikang ha ira pitaka;An silber ira gintitimbang ha timbangan.
Nagsusuhol hira hin panday hin metal, ngan ginhihimo niya ito nga dios.+
Katapos nahapa hira, oo, ira ginsisingba ito.*+
7 Ira ito gin-aalsa ngada ha ira mga sugbong;+Ira ito gindadara ngan iginbubutang ha pwesto hito, ngan natindog la ito didto.
Diri ito nabaya ha pwesto hito.+
Nangangaraba hira ngada hito, pero diri ito nabaton;Diri ito nakakatalwas ha bisan hin-o tikang ha kasakitan.+
8 Hinumdumi niyo ini, ngan magmaisugon kamo.
Ibutang ini ha iyo kasingkasing, kamo nga mga paratalapas.
9 Hinumdumi an naglabay* nga mga butang ha kadaan nga panahon,Nga ako an Dios,* ngan waray iba.
Ako an Dios, ngan waray pariho ha akon.+
10 Tikang ha tinikangan akon igintatagna an magigin resulta,Ngan tikang ha kadaan nga panahon an mga butang nga waray pa buhata.+
Nasiring ako, ‘An akon desisyon* magpapabilin,+Ngan akon bubuhaton an bisan ano nga karuyag ko.’+
11 Gintatawag ko an usa nga tamsi nga mandaragit tikang ha ginsisirangan han adlaw,*+Tikang ha hirayo nga tuna an tawo nga magtutuman han akon desisyon.*+
Nagyakan ako, ngan pahihinaboon ko ito.
Katuyoan ko ito, ngan tutumanon ko ito.+
12 Pamatii ako, kamo nga magtig-a* an kasingkasing,Kamo nga hirayo ha katadongan.
13 Iginpahirani ko an akon katadongan;Diri ito hirayo,Ngan an akon pagtalwas diri maglalangan.+
Akon ihahatag ha Zion an katalwasan, ngan ha Israel an akon himaya.”+
