Isaias 25:1-12
25 O Jehova, ikaw an akon Dios.
Ginpapasidunggan ko ikaw, gindadayaw ko an imo ngaran,Kay nagbuhat ka hin urusahon nga mga butang,+Mga butang nga katuyoan na tikang pa ha kadaan nga mga panahon,+Ha pagin matinumanon+ ngan ha pagin masasarigan.
2 Kay an usa nga syudad imo ginhimo nga pundok hin mga bato,An usa nga pinader nga bungto imo ginhimo nga kagubaan.
An torre han taga-iba nga nasud diri na syudad;Diri na gud ito tutukuron utro.
3 Ito an hinungdan nga an usa nga makusog nga katawohan maghihimaya ha imo;An syudad han matalumpiguson nga mga nasud mahahadlok ha imo.+
4 Kay nagin balwarte ka han ubos,Balwarte han pobre ha iya kasakitan,+Arayopan tikang ha makusog nga uran,Ngan landong tikang ha kapaso.+
Ha panahon nga an pagbuto han kasina han mga matalumpiguson pariho hin makusog nga uran ngada ha usa nga pader,
5 Pariho han kapaso ha uga nga tuna,Ginpapaluya mo an aringasa han mga estranghero.
Pariho han kapaso nga naiibanan tungod han lambong han usa nga dampog,An kanta han mga paratalumpigos ginpapahilom.
6 Hini nga bukid+ hi Jehova han mga hugpo mag-aandam para ha ngatanan nga mga katawohan
Hin panagtawo nga may magrasa nga mga putahe,+Hin panagtawo nga may maopay nga klase hin bino,*Nga may magrasa nga mga putahe nga puno hin utok ha tul-an,Nga may maopay nga klase ngan sinarà nga bino.
7 Hini nga bukid kukuhaon* niya an putos nga nagtatahob ha ngatanan nga mga katawohanNgan an tabon* nga ginhablon ha bawbaw han ngatanan nga nasud.
8 Iya lalamuyon* an kamatayon ha kadayonan,+Ngan papahiron ni Jehova nga Soberano nga Ginoo an mga luha ha ngatanan nga nawong.+
An kaarawdan han iya katawohan iya kukuhaon ha bug-os nga tuna,Kay hi Jehova mismo an nagyakan hini.
9 Hito nga adlaw masiring hira:
“Kitaa! Ini an aton Dios!+
Naglalaom kita ha iya,+Ngan tatalwason kita niya.+
Hiya hi Jehova!
Naglalaom kita ha iya.
Magkalipay kita ngan magrayhak ha iya pagtalwas.”+
10 Kay an kamot ni Jehova magpapabilin ha bawbaw hini nga bukid,+Ngan an Moab pagtatamak-tamakan ha hinmumutangan hito+Pariho hin uhot nga gintamak-tamakan dida ha pundok han tai hin hayop.
11 Iya ito iiguon han iya mga kamotPariho han pag-igo ha tubig han mga kamot han paralangoy nga naglalangoy,Ngan iya pauubson an pagkamapahitas-on hito+Pinaagi han maabtik nga mga kiwa han iya mga kamot.
12 Ngan an pinader nga syudad, nga may higtaas nga mga pader nga nagpapanalipod,Iya rurumpagon;Iya ito bubungkagon ngadto ha tuna, ngadto ha tapotapo mismo.
