Isaias 31:1-9
31 Kairo han mga nalugsad ngadto ha Ehipto basi mangaro hin bulig,+Han mga natapod ha mga kabayo,+Han mga nasarig ha pan-girra nga mga karuwahe tungod kay damu ito,Ngan ha pan-girra nga mga kabayo* tungod kay magkusog ito.
Pero diri hira nasarig ha Baraan nga Dios han Israel,Ngan diri hira namimiling kan Jehova.
2 Kondi maaramon hiya ngan magpapahinabo hin kadaot,Ngan diri niya babawion an iya mga pulong.
Mabuhát hiya kontra ha panimalay han mga magburuhat hin maraotNgan kontra ha mga nabulig ha mga magburuhat hin sala.+
3 Kondi an mga Ehiptohanon mga tawo la ngan diri Dios;An ira mga kabayo unod la ngan diri espiritu.+
Ha panahon nga ig-unat ni Jehova an iya kamot,An bisan hin-o nga nabulig mahipapakdolNgan an bisan hin-o nga ginbubuligan matutumba;Hira ngatanan durungan nga mahahanaw.
4 Kay ini an ginsiring ha akon ni Jehova:
“Sugad la nga an leon, an usa nga makusog nga bata pa nga leon, nagngungurob ngada ha bibiktimahon hito,Kon an bug-os nga grupo han mga paraataman hin panon iginpapatawag basi tabugon ito,Ngan diri ito nahahadlok ha ira tingogO nalilisang ha ira aringasa,Ha pariho nga paagi, hi Jehova han mga hugpo malusad basi makiggirraPara ha Bukid Zion ngan para ha bungtod hito.
5 Pariho hin mga tamsi nga malaksi nga nagtitipaubos, hi Jehova han mga hugpo magdadagmit ha pagdepensa ha Jerusalem.+
Didepensahan Niya hiya ngan tatalwason hiya.
Titipigan Niya hiya nga buhi ngan sasalbaron hiya.”
6 “Balik ha Iya nga iyo gud ginrebeldehan, O katawohan han Israel.+
7 Kay hito nga adlaw isasalikway han kada tagsa an iya waray pulos nga mga dios nga hinimo ha silber ngan an iya waray bili nga mga dios nga hinimo ha bulawan, nga ginhimo han iyo mismo mga kamot, nga usa nga sala.
8 Ngan an Asiryano mabubungkag pinaagi han espada, nga diri kanan tawo;Ngan usa nga espada, nga diri kanan tawo, an maglalamoy ha iya.+
Mapalagiw hiya tungod han espada,Ngan an iya batan-on nga mga lalaki oobligaron nga magtrabaho.
9 An iya daku nga bato mahahanaw tungod han duro nga kahadlok,Ngan an iya mga prinsipe mahahadlok gud tungod han tigaman nga poste,” nasiring hi Jehova,Nga an kalamrag* aada ha Zion ngan an hudno aada ha Jerusalem.