Isaias 13:1-22

  • Mensahe kontra ha Babilonya (1-22)

    • Adlaw ni Jehova hirani na! (6)

    • Media sasakupon an Babilonya (17)

    • Babilonya diri na gud uukyan (20)

13  Ini an usa nga mensahe kontra ha Babilonya+ nga nakita ni Isaias+ nga anak ni Amoz ha bisyon:   “Pagbutang hin tigaman*+ ha bukid nga mahawan. Tawaga hira, igkampay an imo kamot,Basi sumulod hira ha mga ganghaan han mga dungganon.   Ginsugo ko an akon mga ginpili.*+ Iginpatawag ko an akon mga girriro basi ipahayag an akon kasina,Ngan nagrarayhak hira nga may paghambog.   Pamati! May grupo hin mga tawo ha kabukiran;An ira aringasa pariho han damu nga katawohan! Pamati! May aringasa han mga ginhadian,Han mga nasud nga nagtirirok!+ Hi Jehova han mga hugpo nagtitirok han mga sundalo basi makiggirra.+   Nagkakaabot hira tikang ha hirayo nga tuna,+Tikang ha kataposan han kalangitan,Hi Jehova ngan an mga armas han iya kasina,Basi magdara hin kabungkagan ha bug-os nga tuna.+   Pannguyngoy kamo, kay an adlaw ni Jehova hirani na! Maabot ito sugad nga kabungkagan tikang ha Makagarahum-ha-ngatanan.+   Tungod hito an ngatanan nga kamot mawawad-an hin kusog,Ngan an kasingkasing han tagsa nga tawo matutunaw tungod han kahadlok.+   An katawohan nahahadlok.+ Naabat hira hin duro nga kasakitan ngan kaul-ol,Pariho hin babaye nga nagbabatî. May kahadlok nga nagsisiplatay hira,Nga an ira mga nawong namumula tungod han duro nga kasakit.   Kitaa! Maabot an adlaw ni Jehova;Mapintas ito nga may kapungot ngan naglalaga nga kasina,Basi himoon nga makaharadlok an tuna,+Ngan basi poohon an mga makasasala ha tuna. 10  Kay an mga bitoon ha langit ngan an mga konstelasyon hito*+Diri maghahatag han ira kalamrag;An adlaw magigin masirom ha pagsirang hito,Ngan an bulan diri magpapasanag han kalamrag hito. 11  Akon sisirotan an inuukyan nga tuna tungod han karaotan hito,+Ngan an magraot tungod han ira mga sayop. Pauundangon ko an pagin hambog han mga paragbuot,Ngan pauubson ko an pagin mapahitas-on han mga paratalumpigos.+ 12  An mortal nga tawo akon hihimoon nga mas talagsahon kay ha ginpurog nga bulawan,+Ngan an mga tawo hihimoon nga mas talagsahon kay ha bulawan han Ofir.+ 13  Salit pakukurugon ko an kalangitan,Ngan an tuna mababay-og tikang ha hinmumutangan hito+Tungod han kapungot ni Jehova han mga hugpo ha adlaw han iya naglalaga nga kasina. 14  Pariho hin gasela nga gindadakop ngan pariho hin panon nga waray nagtitirok,An kada tagsa mabalik ha iya kalugaringon nga katawohan;An kada tagsa mapalagiw ngadto ha iya kalugaringon nga tuna.+ 15  An bisan hin-o nga hiagian bubun-on,Ngan an bisan hin-o nga madakpan mamamatay pinaagi han espada.+ 16  An ira mga anak panmumusakon ha ira atubangan,+An ira mga balay pangangawatan,Ngan an ira mga asawa panluluguson. 17  Kitaa, akon ibabangon kontra ha ira an mga Mediano,+Nga naghuhunahuna nga waray pulos an silberNgan diri nalilipay ha bulawan. 18  Pandudugmukon han ira mga bawog an batan-on nga mga lalaki;+Diri hira malolooy ha bunga han tagoangkanNgan diri liwat hira malolooy ha kabataan. 19  Ngan an Babilonya, an pinakamahimayaon ha* mga ginhadian,+An katahom ngan an iginpaparayaw han mga Caldeo,+Magigin pariho han Sodoma ngan Gomorra han ginbungkag ito han Dios.+ 20  Diri na gud hiya uukyan,Ngan diri na gud hiya magigin urukyan ha ngatanan nga henerasyon.+ Waray Arabo nga magtitindog hin tolda didto,Ngan waray mga paraataman hin panon nga magdadara didto han ira mga panon basi pumahuway. 21  An ihalas nga mga hayop ha disyerto mahigda didto;An ira mga balay mapupuno hin mga bukaw. An mga ostrits maukoy didto,+Ngan an ihalas nga mga kanding* magluluksolukso didto. 22  An nangunguwang nga mga linarang maguliat dida ha iya mga torre,Ngan an mga tsakal* dida ha iya magarbo nga mga palasyo. An iya panahon hirani na, ngan an iya mga adlaw diri na paiihaon.”+

Mga footnote

O “tigaman nga poste.”
Lit., “an akon mga ginbaraan.”
Lit., “ngan an mga Kesil hito,” bangin nagtutudlok ha Orion ngan ha nakapalibot nga mga konstelasyon.
O “an dekorasyon han.”
O posible nga “an sugad-kanding nga mga demonyo.”
Ha Ingles, jackal.