Isaias 52:1-15

  • Pagmata, O Zion! (1-12)

    • Maopay an mga tiil han nagdadara han maopay nga sumat (7)

    • Mga bantay han Zion urosa nga nasinggit (8)

    • Kinahanglan limpyo an nagdadara han mga garamiton ni Jehova (11)

  • Surugoon ni Jehova papasidunggan (13-15)

    • Nadaot nga hitsura (14)

52  Pagmata! Pagmata! Pagsul-ot hin kusog,+ O Zion!+ Isul-ot an imo mag-opay nga mga bado,+ O Jerusalem, an baraan nga syudad! Kay diri na masulod ha imo an diri-turi ngan mahugaw nga tawo.+   Ipadpad an tapotapo, buhát ngan lingkod, O Jerusalem. Badbara an mga higot ha imo liog, O bihag nga anak nga babaye han Zion.+   Kay ini an siring ni Jehova: “Iginbaligya ka pero waray bayad,+Ngan tutubuson ka nga waray gagamiton nga kwarta.”+   Kay ini an siring ni Jehova nga Soberano nga Ginoo: “Ha siyahan an akon katawohan linugsad ngadto ha Ehipto basi umukoy didto sugad nga mga dayo;+Katapos gintalumpigos hira han Asirya hin waray hinungdan.”   “Kon sugad, ano an bubuhaton ko dinhi?” nasiring hi Jehova. “Kay an akon katawohan ginkuha pero waray bayad. An mga nagmamando ha ira padayon nga nasinggit tungod han kadaogan,”+ nasiring hi Jehova,“Ngan ha bug-os nga adlaw, pirme ginpapasiparahan an akon ngaran.+   Tungod hito makikilala han akon katawohan an akon ngaran;+Tungod hito makikilala nira hito nga adlaw nga ako an nagyayakan. Kitaa, ako ini!”   Maopay gud pagkit-on ha kabukiran an mga tiil han nagdadara han maopay nga sumat,+Han nagpapasamwak han kamurayawan,+Han nagdadara han maopay nga sumat mahitungod han butang nga mas maopay,Han nagpapasamwak han katalwasan,Han nasiring ha Zion: “An imo Dios nagin Hadi na!”+   Pamati! Gindadaku han imo mga bantay an ira tingog. Urosa hira nga nasinggit hin malipayon,Kay makikita nira hin matin-aw* kon tirukon na utro ni Jehova an Zion.   Pagkalipay kamo, urosa nga pagsinggit hin malipayon, kamo nga kagubaan han Jerusalem,+Kay ginliaw ni Jehova an iya katawohan;+ iya gintubos an Jerusalem.+ 10  Ginhukasan ni Jehova an iya baraan nga butkon ha atubangan han ngatanan nga nasud;+Makikita han ngatanan nga sidsid han tuna an mga pagtalwas* han aton Dios.+ 11  Baya kamo, baya kamo, gawas kamo dida,+ ayaw pagkapot hin bisan ano nga mahugaw!+ Gawas kamo tikang ha butnga niya,+ pagpabilin kamo nga limpyo,Kamo nga mga nagdadara han mga garamiton ni Jehova.+ 12  Kay diri kamo mabaya nga nalilisang,Ngan diri kamo kinahanglan pumalagiw,Kay hi Jehova mag-uuna ha iyo,+Ngan an Dios han Israel an magigin iyo gwardya ha luyo.+ 13  Kitaa! An akon surugoon+ magios nga may hilarom nga pagsabot. Ibubutang hiya ha hitaas nga posisyon,Pahihitas-on hiya ngan papasidunggan gud.+ 14  Sugad la nga damu an nagkinita ha iya nga nahipapausa—Kay an iya hitsura nadaot labaw kay han bisan hin-o nga tawoNgan an iya harangdon nga dagway nadaot labaw kay han kanan katawohan— 15  Pakakalasan niya an damu nga nasud.+ An mga hadi magtitik-om han ira baba* ha iya atubangan,+Kay makikita nira an waray pa isumat ha iraNgan tatagdon nira an waray pa nira mabatii.+

Mga footnote

O “han ira mismo mga mata.”
O “an kadaogan.”
O “diri makakayakan.”