Isaias 26:1-21

  • Kanta han pagsarig ngan pagtalwas (1-21)

    • Jah Jehova, Bato ha kadayonan (4)

    • Tawo mahibabaro han katadongan (9)

    • “An imo mga patay mabubuhi” (19)

    • Sulod ha kwarto ngan tago (20)

26  Hito nga adlaw kakantahon+ ha tuna han Juda+ ini nga kanta: “May-ada kami marig-on nga syudad.+ An katalwasan iya ginhihimo nga mga pader ngan mga kuta hito.+   Abrihi niyo an mga ganghaan+ basi makasulod an matadong nga nasud,An nasud nga padayon nga nagawi hin matinumanon.   Imo papanalipdan an mga nasarig ha imo hin bug-os;*Tatagan mo hira hin nagpapadayon nga kamurayawan,+Kay ha imo hira nasarig.+   Sarig kamo kan Jehova ha waray kataposan,+Kay hi Jah* Jehova an Bato ha kadayonan.+   Kay iya ginpahiubos an mga naukoy ha kahitas-an, ha hitaas nga syudad. Iya ito ginpapahiubos,Iya ito ginpapahiubos ngadto ha tuna;Iya ito ginrurumpag ngadto ha tapotapo.   Tatamaktamakan ito han tiil,Han mga tiil han nag-aantos, han mga pitad han mga ubos.”   Tadong* an aragian han matadong nga tawo. Tungod kay matadong ka,Imo papatagon an dalan han matadong.   Samtang ginsusulsog namon an aragian han imo mga paghukom, O Jehova,Ha imo kami naglalaom. Ginhihingyap namon* an imo ngaran ngan an imo hinumdóman.*   Ha gab-i ginhihingyap ka han akon bug-os nga pagkatawo,*Oo, ginpipinamiling ka han akon espiritu;+Kay kon naghuhukom ka ha tuna,An mga naukoy ha tuna nahibabaro mahitungod han katadongan.+ 10  Bisan kon pakitaan hin pagkabuotan an maraot,Diri hiya mahibabaro hin pagkamatadong.+ Bisan ha matadong nga tuna magbubuhat hiya hin maraot,+Ngan diri niya makikita an pagkaharangdon ni Jehova.+ 11  O Jehova, an imo kamot nakaalsa, kondi diri nira ito nakikita.+ Makikita nira an imo kadasig para ha imo katawohan ngan mahibubutang hira ha kaarawdan. Oo, an kalayo nga para ha imo mga kaaway mag-uugtang ha ira. 12  O Jehova, tatagan mo kami hin kamurayawan,+Kay an ngatanan nga amon ginbubuhatResulta han imo ginbubuhat. 13  O Jehova nga amon Dios, ginmandoan kami han iba nga mga agaron labot ha imo,+Kondi an imo gud la ngaran an amon gin-uunabi.+ 14  Mga patay hira; diri hira mabubuhi. Tungod kay patay, diri hira mabuhát.+ Kay ginhukman mo hiraBasi poohon hira ngan wad-on an ngatanan nga pag-unabi ha ira. 15  Imo ginpadaku an nasud, O Jehova,Imo ginpadaku an nasud;Imo ginhimaya an imo kalugaringon.+ Imo gud ginpahaluag an ngatanan nga tubtoban han tuna.+ 16  O Jehova, durante han kasakitan dinangop hira ha imo;Han imo hira gindisiplina, ira iginsumat an aada ha ira kasingkasing pinaagi han hinuring nga pag-ampo.+ 17  Sugad la nga an burod nga babaye nga tipag-aranakNaabat han mga kaul-ol ha pagbatî ngan naguliat tungod han kaul-ol,Amo man kami tungod ha imo, O Jehova. 18  Nagburod kami, inabat kami han mga kaul-ol ha pagbatî,Pero sugad hin nag-anak kami hin hangin. Waray kami magdara hin katalwasan ha tuna,Ngan waray igin-anak nga maukoy ha tuna. 19  “An imo mga patay mabubuhi;An akon mga patay* mabuhát.+ Pagmata ngan singgit hin malipayon,Kamo nga mga naukoy ha tapotapo!+ Kay an imo tun-og pariho han tun-og ha aga,*Ngan an tuna matugot nga mabuhi an mga nagkamatay.* 20  Lakat, akon katawohan, sulod ha iyo gisusuluri nga mga kwarto,Ngan sadhi an iyo mga purtahan pagsulod niyo.+ Tago hin madaliayTubtob nga lumabay an kapungot.*+ 21  Kay kitaa! hi Jehova tiabot tikang ha Iya lugarBasi manimalos ha mga naukoy ha tuna tungod han ira sayop,Ngan igbubuhayhag han tuna an iya pamatay*Ngan diri na tatabonan an mga ginpamatay dida ha iya.”

Mga footnote

O posible nga “an mga may marig-on nga disposisyon.”
“Jah” an ginpahalipot nga porma han ngaran nga Jehova.
O “Patag.”
O “han amon kalag.”
Karuyag sidngon, nga an Dios ngan an iya ngaran mahinumdoman, maipakilala.
O “han akon kalag.”
Lit., “An akon patay.”
O posible nga “tun-og han mga herba (mga tanom nga malvavisco).”
O “mag-aanak han mga nagkamatay.”
O “pagkondenar.”
Lit., “pagpaagay hin dugo.”