Isaias 12:1-6

  • Kanta han pagpasalamat (1-6)

    • “Hi Jah Jehova an akon kusog” (2)

12  Hito nga adlaw sigurado nga masiring ka: “Nagpapasalamat ako ha imo, O Jehova,Kay bisan kon nasisina ka ha akon,An imo kasina hinay-hinay nga nawara, ngan imo ako ginliaw.+   Kitaa! An Dios an akon katalwasan.+ Masarig ako ngan diri mahahadlok;+Kay hi Jah* Jehova an akon kusog ngan an akon gahum,Ngan hiya an nagin akon katalwasan.”+   May kalipay nga mag-aalog kamo hin tubigTikang ha mga burabod han katalwasan.+   Ngan hito nga adlaw masiring kamo: “Pagpasalamat kamo kan Jehova, tawaga niyo an iya ngaran,Ipahibaro ha mga katawohan an iya mga buhat!+ Ipasamwak nga an iya ngaran ginpahitaas.+   Pagkanta kamo hin mga pagdayaw* kan Jehova,+ kay nagbuhat hiya hin makaruruyag gud nga mga butang.+ Ipahibaro ini ha bug-os nga tuna.   Guliat ngan singgit tungod han kalipay, ikaw nga naukoy* ha Zion,Kay harangdon an Baraan nga Dios han Israel nga aada ha imo butnga.”

Mga footnote

“Jah” an ginpahalipot nga porma han ngaran nga Jehova.
O “Pagtokar kamo ngan pagkanta hin mga pagdayaw.”
Lit., “nga babaye nga naukoy,” nga nagtutudlok ha katawohan sugad nga babaye.