Isaias 21:1-17

  • Mensahe kontra ha kamingawan han dagat (1-10)

    • Pagbantay tikang ha torre nga taran-awan (8)

    • “Napukan na an Babilonya!” (9)

  • Mensahe kontra ha Duma ngan ha disyerto nga kapatagan (11-17)

    • ‘Bantay, maiha pa ba an gab-i?’ (11)

21  Ini an usa nga mensahe kontra ha kamingawan han dagat:*+ Maabot ito pariho hin magkusog gud nga mga hangin tikang ha sur,Tikang ha kamingawan, tikang ha makaharadlok nga tuna.+   May iginsumat ha akon nga makaharadlok nga bisyon: An malimbong nga nasud nagbubuhat hin malimbong,Ngan an parabungkag nanbubungkag. Sagka, O Elam! Atake,O Media!+ Pauundangon ko an ngatanan nga panhayhay nga iya ginpahinabo.+   Tungod hito duro gud an akon kasakit.*+ Naabat ako hin kaul-ol,Pariho han inaabat hin babaye nga nag-aanak. Nasasakit gud ako salit diri ako nakakabati;Nababaraka gud ako salit diri ako nakakakita.   An akon kasingkasing napitik hin malaksi; nangungurog ako tungod han duro nga kahadlok. An pagsirom nga akon ginhiningyap nakakapakurog ha akon.   Iandam an lamesa ngan opaya an mga lingkoran! Kaon ngan inom!+ Pagkabuhat kamo nga mga prinsipe, dihugi* an taming!   Kay ini an ginsiring ha akon ni Jehova: “Lakat, pagbutang hin bantay ngan pasumata hiya han iya nakikita.”   Ngan nakakita hiya hin pan-girra nga karuwahe nga may magpadis nga kabayo,Hin pan-girra nga karuwahe nga may mga asno,Hin pan-girra nga karuwahe nga may mga kamelyo. Nagbantay hiya hin maopay, hin atentibo gud.   Katapos, ginuliat hiya pariho hin leon: “Ha bawbaw han torre nga taran-awan, O Jehova, padayon nga natindog ako ha adlaw,Ngan kada gab-i natindog ako ha akon pwesto sugad nga gwardya.+   Kitaa an tiabot: Kalalakin-an nga sakay ha pan-girra nga karuwahe nga may magpadis nga kabayo!”+ Katapos nagsiring hiya: “Napukan na hiya! Napukan na an Babilonya!+ An ngatanan nga inukit nga imahen han iya mga dios ginpamusak ha tuna!”+ 10  O akon katawohan nga gin-giok,An produkto* han akon giriokan,+Akon iginsumat ha iyo an akon nabatian kan Jehova han mga hugpo, an Dios han Israel. 11  Ini an usa nga mensahe kontra ha Duma:* May nagtatawag ha akon tikang ha Seir:+ “Bantay, maiha pa ba an kagab-ihon? Bantay, maiha pa ba an kagab-ihon?” 12  An bantay binaton: “Tiabot na an aga, ngan sugad man an kagab-ihon. Kon magpapakiana kamo, pagpakiana kamo. Pakadi utro!” 13  Ini an usa nga mensahe kontra ha disyerto nga kapatagan: Hirani ha kakahoyan* ha disyerto nga kapatagan kamo magpapalabay han gab-i,O mga karaban han Dedan.+ 14  Pagdara kamo hin tubig ngan tapoa an gin-uuhaw,Kamo nga mga naukoy ha tuna han Tema,+Ngan pagdara kamo hin tinapay para ha napalagiw. 15  Kay pinalagiw hira tikang ha mga espada, tikang ha ginhulbot nga espada,Tikang ha ginbingat nga bawog, ngan tikang ha kabangis han girra. 16  Kay ini an ginsiring ha akon ni Jehova: “Antes matapos an usa ka tuig, pariho han mga tuig han usa nga sinuholan nga trabahador,* an bug-os nga himaya han Kedar+ matatapos. 17  An mabibilin nga parapamana nga mga girriro han Kedar magigin gutiay na la, kay hi Jehova nga Dios han Israel an nagyakan.”

Mga footnote

Posible nga nagtutudlok ha rehiyon han kadaan nga Babilonya.
Lit., “puno hin kaul-ol an akon mga baliatang.”
O “pahiri hin lana.”
Lit., “anak nga lalaki.”
Nangangahulogan nga “Pagin Mamingaw.”
Lit., “Ha kagurangan.”
O “nga gin-ihap hin maopay pariho han ginbubuhat han sinuholan nga trabahador”; karuyag sidngon, hin eksakto usa ka tuig.