Jeremia 6:1-30

  • Rrethimi i Jerusalemit afrohet (1-9)

  • Zemërimi i Jehovait ndaj Jerusalemi (10-21)

    • Thonë «Paqe!», kur paqe s’ka (14)

  • Pushtim mizor nga veriu (22-26)

  • Jeremia shërben si provues metali (27-30)

6  O bij të Beniaminit, gjeni strehë larg Jerusalemit! Bjerini bririt+ në Tekoa;+ngrini një sinjal me zjarr në Beth-Hakerem,sepse nga veriu po vjen një e keqe, po, një shkatërrim i madh.+   Bija e Sionit i ngjan një gruaje të bukur e delikate.+   Barinjtë do të vijnë me kopetëe do t’i ngrenë tendat rreth e qark saj.+ Secili do ta kullotë kopenë nën kujdesin e vet.+   «Përgatitni* një luftë kundër saj. Çohuni e ta sulmojmë në mesditë!» «Ah, sa keq, sepse dita po mbarone muzgu i mbrëmjes po zgjat!»   «Çohuni, le ta sulmojmë natëne t’ia shkatërrojmë kullat e fortifikuara!»+   Në fakt kështu thotë Jehovai i ushtrive: «Pritni dru dhe ngrini një ledh rrethues kundër Jerusalemit,+sepse këtij qyteti i duhet kërkuar llogari;në mesin e tij ka veçse shtypje.+   Ashtu si një sternë e mban ujin të ftohtë,*po njësoj* ai e mban ligësinë brenda vetes. Në të dëgjohet dhuna e shkatërrimi;+sëmundja dhe plaga janë vazhdimisht përpara meje.   Prano paralajmërimin, o Jerusalem, përndryshe do të t’i kthej krahët i neveritur;+do të të katandis në një shkreti, në një vend të pabanuar.»+   Kështu thotë Jehovai i ushtrive: «Ata do ta mbledhin krejt mbetjen e Izraelit siç mblidhet rrushi i fundit i hardhisë;kaloje përsëri dorën si vjelësi që mbledh rrush nga hardhitë.» 10  «Cilëve t’u flas e cilët të paralajmëroj? Kush do të dëgjojë? Ja, i kanë mbyllur veshët,* që të mos kushtojnë vëmendje.+ Ja, fjala e Jehovait është bërë diçka për t’u përbuzur;+nuk gjejnë kënaqësi në të. 11  Prandaj zemërimi i Jehovait është ndezur brenda meje,dhe u lodha duke u përmbajtur.»+ «Zbraze zemërimin mbi fëmijët në rrugë,+mbi grupet e të rinjve së bashku. Të gjithë ata do të merren robër, burri bashkë me të shoqen,i moshuari bashkë me atë që është shumë i moshuar.*+ 12  Shtëpitë e tyre do t’u jepen të tjerëve, bashkë me arat dhe gratë,+sepse unë do ta ngre dorën kundër banorëve të vendit,​—thotë Jehovai. 13  Secili nxjerr fitime të pandershme,+ nga më i vogli deri te më i madhi;secili e zhvat tjetrin,+ nga profeti deri te prifti. 14  Ata përpiqen ta shërojnë shkel e shko* shembjen* e popullit tim, duke thënë: ‘Ka paqe! Ka paqe!’,kur paqe s’ka.+ 15  A u vjen turp për gjërat e neveritshme që kanë bërë? Nuk u vjen aspak turp! Ata as nuk e dinë çfarë është turpi!+ Prandaj do të bien mes të rënëve;kur unë t’i ndëshkoj, do t’u merren këmbët»,​—thotë Jehovai. 16  Kështu thotë Jehovai: «Rrini në kryqëzim dhe shihni. Pyetni për rrugët e lashta,se ku është udha e mirë dhe ecni në të,+e gjeni prehje për veten.» Por ju u përgjigjët: «S’do të ecim në të.»+ 17  «Unë caktova roja+ që thoshin: ‘Kushtojini vëmendje tingullit të bririt!’»+ Por ju thatë: «S’do të kushtojmë vëmendje.»+ 18  «Prandaj dëgjoni, o kombe! Dëgjo mirë, o asamble,se ç’do t’u ndodhë atyre! 19  Dëgjo, o tokë! Ja, unë po sjell një të keqe mbi këtë popull,+si fryt të intrigave të tyre,sepse nuk u kushtuan vëmendje fjalëve të miadhe e hodhën poshtë ligjin* tim. 20  Ç’më duhet që më sillni temjan të bardhë nga Shebadhe kallam të ëmbël* nga një vend i largët? Blatimet e plota të djegura nuk janë të pranueshmedhe flijimet tuaja nuk më sjellin kënaqësi.»+ 21  Prandaj, kështu thotë Jehovai: «Ja, unë do të vë për këtë popull gurë pengese,dhe ata do të pengohen,etër e bij bashkë,fqinji e shoku i tij,të gjithë do të marrin fund.»+ 22  Kështu thotë Jehovai: «Ja, një popull po vjen nga vendi i veriutdhe një komb i madh do të zgjohet nga viset më të largëta të tokës.+ 23  Ata do të rrokin harkun dhe shtizën. Janë mizorë dhe nuk kanë aspak mëshirë. Zëri i tyre do të gjëmojë si deti,dhe ata do të kalërojnë kuajt.+ Rreshtohen për betejë si një luftëtar kundër teje, o bijë e Sionit.» 24  E dëgjuam lajmin për të. Na lëshoi zemra;*+halli na ka zënë,një ankth* si i gruas që po lind.+ 25  Mos shko në arëe mos ec në rrugë,sepse të pret shpata e armikut. Tmerr ka rreth e qark! 26  O bijë e popullit tim,vishu me copë thesi*+ dhe zhgërryhu në hi. Mbaj zi si për një bir të vetëm, vajto me hidhërim,+sepse shkatërruesi do të vijë befas drejt nesh.+ 27  «Ty* të kam bërë provues metali në mes të popullit tim,dikë që bën kërkim të hollësishëm;ti duhet ta shqyrtosh dhe ta hetosh sjelljen e tyre. 28  Ata janë njerëzit më kokëfortë,+që enden si shpifës.+ Janë si bakri e hekuri;të gjithë janë të korruptuar. 29  Gjyryku* është zhuritur nga nxehtësia,por nga zjarri del veçse plumb. Më kot bëhet një rafinim i fuqishëm,+sepse të këqijtë nuk janë ndarë veç.+ 30  Njerëzit kanë për t’i quajtur argjend i flakur,sepse Jehovai i ka flakur tej.»+

Shënime në fund të faqes

Fjalë për fjalë «Shenjtëroni».
Ose «të freskët».
Ose «të freskët».
Fjalë për fjalë «i kanë të parrethprerë veshët».
Fjalë për fjalë «është plot ditë».
Ose «përciptazi».
Ose «thyerjen».
Ose «udhëzimin».
Një kallam aromatik.
Fjalë për fjalë «Duart na janë lëshuar».
Fjalë për fjalë «dhembjet e lindjes».
Domethënë, Jereminë.
Një pajisje që farkëtari e përdorte për t’i fryrë zjarrit në një furrë të nxehtë që të rriste temperaturën.