Jeremia 50:1-46

  • Profecia kundër Babilonisë (1-46)

    • «Mbathjani nga Babilonia» (8)

    • Izraeli do të kthehet (17-19)

    • Ujërat e Babilonisë do të thahen (38)

    • Babilonia nuk do të banohet më (39, 40)

50  Fjala që tha Jehovai për Babiloninë,+ vendin e kaldeasve, nëpërmjet profetit Jeremia:   «Tregojeni mes kombeve dhe shpalleni. Ngrini një sinjal,* shpalleni e mos fshihni asgjë. Thoni: ‘Babilonia është pushtuar.+ Beli është turpëruar.+ Merodaku është tmerruar. Shëmbëlltyrat e saj janë turpëruar. Idhujt e saj të pështirë* janë tmerruar.’   Se kundër saj ka ardhur një komb nga veriu,+që ia katandis vendin në objekt llahtarie. Në të s’ka mbetur këmbë njeriu;njerëz e kafshë ia kanë mbathur, larg kanë ikur.  Në ato ditë dhe në atë kohë,​—thotë Jehovai,—​populli i Izraelit do të bashkohet me popullin e Judës.+ Ata do të ecin duke qarë+ dhe do të kërkojnë Jehovain, Perëndinë e tyre.+  Do të pyesin për rrugën që të çon në Sion, drejt të cilit kanë kthyer fytyrat,+ e do të thonë: ‘Ejani, le të lidhim me Jehovain një besëlidhje të përhershme që nuk do të harrohet.’+  Populli im është bërë si një kope me dele të humbura.+ Vetë barinjtë e tyre i bënë të shkojnë andej-këtej.+ I udhëhoqën larg nëpër male, duke u endur sa në mal në kodër. E kanë harruar vendbanimin e tyre.  Ata që i gjetën, i përpinë,+ dhe armiqtë thanë: ‘Ne nuk jemi fajtorë, sepse kanë mëkatuar kundër Jehovait, vatrës së drejtësisë, po, kundër Jehovait, shpresës së paraardhësve të tyre.’   Mbathjani nga Babilonia,dilni nga vendi i kaldeasve,+e bëhuni si dashi që prin kopenë.   Se unë do të ngre e do të sjell kundër Babilonisënjë grup kombesh të mëdha nga vendi i veriut,+dhe ato do të rreshtohen në formacion luftimi kundër saj,e do ta pushtojnë. Shigjetat e tyre janë si ato të një luftëtari,që i lënë prindërit pa fëmijë;+ato godasin në shenjë. 10  Kaldea do të bëhet plaçkë.+ Tërë ata që do të marrin plaçkën e saj, do të ngopen,+​—thotë Jehovai. 11  Se ju gëzuat+ e ngazëlluatkur zhvatët trashëgiminë time.+ Kërcyet si mëshqerra në bar të njomëdhe hingëllitë si hamshorë. 12  Nëna juaj është turpëruar,+ajo që ju lindi, është zhgënjyer. Ja, është më pak e rëndësishmja nga kombet,një vend pa ujë dhe një shkretëtirë.+ 13  Për shkak të indinjatës së Jehovait, ajo nuk do të banohet më;+do të shkretohet fund e krye.+ Kushdo që do të kalojë nëpër Babiloni, do t’ia ngulë sytë i llahtarisure do të tallet* për të gjitha plagët e saj.+ 14  Rreshtohuni në formacion luftimi kundër Babilonisë nga çdo anë,të gjithë ju që tendosni harkun. Qëlloni mbi të dhe mos kurseni asnjë shigjetë,+sepse ka mëkatuar kundër Jehovait.+ 15  Lëshoni një britmë lufte kundër saj nga çdo anë. Ajo është dorëzuar. Shtyllat e saj kanë rënë, muret i janë shembur,+sepse kjo është hakmarrja e Jehovait.+ Merrni hak ndaj saj. Veproni me të siç ka vepruar ajo me të tjerët.+ 16  Shfarosni nga Babilonia mbjellësindhe atë që përdor draprin në kohën e korrjes.+ Për shkak të shpatës mizore, secili do të kthehet te populli i vet,secili do të ikë në vendin e vet.+ 17  Izraelitët janë si dele të shpërndara.+ Luanët i kanë shpërndarë.+ Në fillim i gllabëroi mbreti i Asirisë,+ pastaj ua breu kockat Nabukodonosori,* mbreti i Babilonisë.+ 18  Prandaj, kështu thotë Jehovai i ushtrive, Perëndia i Izraelit: ‘Unë do ta ndëshkoj mbretin e Babilonisë dhe vendin e tij, ashtu siç ndëshkova mbretin e Asirisë.+ 19  Do ta kthej Izraelin në kullotën e vet,+ dhe ai do të kullotë në Karmel e në Bashan.+ Ai do të ngopet në malet e Efraimit+ e të Galadit.’+ 20  Kështu thotë Jehovai: ‘Në ato ditë dhe në atë kohë,do të kërkojnë fajin e Izraelit,por nuk do ta gjejnë. As mëkatet e Judës nuk do t’i gjejnë,sepse do t’i fal ata që kam lënë gjallë.+ 21  Dilni kundër vendit të Merataimit dhe kundër banorëve të Pekodit.+ Masakrojini dhe shfarosini krejt,*​—thotë Jehovai. Bëni tamam si ju urdhërova. 22  Në vend dëgjohet zhurma e luftës;një katastrofë e madhe. 23  Oh, si ka rënë dhe është thyer çekani i gjithë tokës!+ Oh, si është bërë Babilonia një objekt llahtarie mes kombeve!+ 24  O Babiloni, unë të ngrita një lakdhe ti re në të pa e marrë vesh fare. Të gjetën dhe të kapën,+sepse iu kundërvure Jehovait. 25  Jehovai ka hapur depon e vetdhe po nxjerr armët e indinjatës së tij,+sepse Zotëria Sovran, Jehovai i ushtrive,ka punë me vendin e kaldeasve. 26  Hajdeni kundër saj nga vendet e largëta.+ Hapjani hambarët+ e bëjani plaçkën pirg, siç bëhet drithi. Shkatërrojeni krejt.*+ Të mos mbetet këmbë njeriu. 27  Masakrojani gjithë demat e rinj;+çojini në thertore. Mjerë ata, sepse u erdhi dita,koha që të lahen hesapet! 28  Dëgjohet zëri i atyre që po ikine po ia mbathin nga Babilonia,për të shpallur në Sion hakmarrjen e Jehovait, Perëndisë tonë,hakmarrjen për tempullin e tij.+ 29  Thërritni harkëtarët kundër Babilonisë,të gjithë ata që tendosin harkun.+ Fushoni rreth e qark saj; të mos shpëtojë asnjë. Kthejani sipas asaj që ka bërë,+bëjini atë që u ka bërë ajo të tjerëve,+sepse ka vepruar me arrogancë kundër Jehovait,po, kundër të Shenjtit të Izraelit.+ 30  Prandaj të rinjtë e saj do të bien në sheshe,+dhe ushtarët e saj do të marrin fund,*​—thotë Jehovai. 31  Ja, unë jam kundër teje,+ o sfiduese,+​—thotë Zotëria Sovran, Jehovai i ushtrive. Se dita jote do të vijë, po, koha kur të të kërkoj llogari. 32  Ti, o sfiduese, do të pengohesh dhe do të biesh. Askush nuk do të të ngrejë.+ Unë do t’u vë zjarrin qyteteve të tua,që do të përpijë gjithçka përreth teje.’ 33  Kështu thotë Jehovai i ushtrive: ‘Popullin e Izraelit dhe të Judës i kanë shtypur. Tërë ata që i marrin rob, i kanë mbërthyer+ dhe nuk i lënë të ikin.+ 34  Megjithatë Riblerësi i tyre është i fortë,+emri i tij është Jehovai i ushtrive.+ Ai do ta mbrojë patjetër çështjen e tyre ligjore,+që t’i japë prehje vendit+e t’i bëjë të dridhen banorët e Babilonisë.’+ 35  Kështu thotë Jehovai: ‘Do të vijë një shpatë kundër kaldeasve,kundër banorëve të Babilonisë, kundër princave e kundër të mençurve të saj.+ 36  Do të vijë një shpatë kundër atyre që thonë fjalë boshe,* e ata do të veprojnë pa mend. Do të vijë një shpatë kundër luftëtarëve, e ata do të tmerrohen.+ 37  Do të vijë një shpatë kundër kuajve të tyre, kundër karrocave të luftësdhe kundër tërë popujve të ndryshëm që janë në mes të saj,e ata do të bëhen si gratë.+ Do të vijë një shpatë kundër thesareve të saj, e ato do të plaçkiten.+ 38  Do të vijë një shkretim mbi ujërat e saj, e ato do të thahen,+sepse është një vend me shëmbëlltyra të skalitura,+dhe, për shkak të vegimeve* të tyre të lemerishme, ata veprojnë si të çmendur. 39  Prandaj kafshët e shkretëtirës do të banojnë me kafshët që ulërijnë,dhe strucët do të banojnë në të.+ Ajo nuk do të banohet më kurrë,as do të popullohet më brez pas brezi.+ 40  Ashtu si Perëndia shkatërroi Sodomën, Gomorrën+ dhe qytetet e saj fqinje,+​—thotë Jehovai,—​kështu do të ndodhë edhe me Babiloninë. Në të nuk do të banojë asnjeri, e askush nuk do të vendoset me banim atje.+ 41  Ja, një popull po vjen nga veriu,dhe një komb i madh e mbretër të mëdhenj+ do të ngrihennga vendet më të largëta të tokës.+ 42  Ata janë pajisur me hark e shtizë.+ Janë mizorë dhe nuk kanë aspak mëshirë.+ Zhurma e tyre, teksa kalërojnë kuajt,është si deti që gjëmon.+ Janë rreshtuar në formacion luftimi kundër teje si një njeri i vetëm, o bijë e Babilonisë.+ 43  Mbreti i Babilonisë ka dëgjuar lajmin për ta+dhe e ka lëshuar zemra.*+ E ka pushtuar ankthi,e kanë pushtuar dhembjet si të gruas që lind. 44  Ja, dikush do të vijë si një luan nga shkurrnajat e dendura përgjatë Jordanit kundër kullotave të sigurta, por në çast do t’i bëj që t’ia mbathin që aty. Do të caktoj aty të zgjedhurin tim,+ sepse kush është si unë, dhe kush mund të më sfidojë? Cili bari mund të qëndrojë para meje?+ 45  Prandaj dëgjoni vendimin* e Jehovait kundër Babilonisë+ dhe atë që ka ndër mend të bëjë kundër vendit të kaldeasve: me siguri të vegjlit e kopesë do t’ia tërheqin zvarrë,dhe për shkak të tyre, kullotat e sigurta ai do t’i bëjë të shkreta.+ 46  Nga zhurma e pushtimit të Babilonisë, toka do të dridhetdhe mes kombeve do të dëgjohet një klithmë.’+

Shënime në fund të faqes

Ose «shtyllë sinjalizuese».
Kjo fjalë hebraike mund të lidhet me një fjalë që do të thotë «bajgë» dhe përdoret për të shprehur përbuzje.
Fjalë për fjalë «do të fishkëllejë».
Fjalë për fjalë «Nabukodrezari», një variant tjetër i këtij emri.
Ose «dhe caktojini për shfarosje». Shih Fjalorthin.
Ose «Caktojeni për shkatërrim». Shih Fjalorthin.
Fjalë për fjalë «do t’i bëj të heshtin».
Ose «profetëve të rremë».
Fjalë për fjalë «e kanë lëshuar duart».
Ose «vullnetin; qëllimin».