Jeremia 46:1-28

  • Profecia kundër Egjiptit (1-26)

    • Egjiptin do ta pushtojë Nabukodonosori (13, 26)

  • Premtimet që i bëhen Izraelit (27, 28)

46  Jehovai i drejtoi profetit Jeremia këtë fjalë për kombet.+  Kundër Egjiptit:+ për ushtrinë e faraonit Neko,+ mbretit të Egjiptit, i cili ishte përgjatë lumit Eufrat dhe u mund në Karkemish nga Nabukodonosori,* mbreti i Babilonisë, në vitin e katërt të mbretërimit të Jehojakimit,+ birit të Josisë, mbretit të Judës.   «Bëni gati shqytet* dhe mburojat e mëdha! Përpara në betejë!   Mbrehni kuajt dhe hipuni, o kalorës. Zini vend dhe vini helmetat* në kokë. Mprehni heshtat dhe vishni thurakët.*   Pse i shoh ata të tmerruar? Ata po tërhiqen, dhe luftëtarët janë shpartalluar. Ia kanë mbathur nga frika dhe kokën pas s’e kanë kthyer. Ka tmerr rreth e qark,​—thotë Jehovai.   I shpejti s’mund t’ia mbathë, dhe luftëtarët nuk shpëtojnë dot. Në veri, buzë lumit Eufrat,janë penguar dhe kanë rënë.+   Kush është ai që vjen si lumi Nil,si lumenjtë me ujëra vërshuese?   Egjipti vjen si lumi Nil,+si lumenjtë me ujëra vërshuese. Ai thotë: ‘Do të ngrihem e do të mbuloj tokën. Do të shkatërroj qytetin dhe banorët e tij.’   Ngjituni, o kuaj,lëshohuni si të çmendura, o karroca! Le të shkojnë përpara luftëtarët,Kushi e Puti që përdorin mburojën,+dhe ludimët+ që me mjeshtëri e tendosin harkun.+ 10  Ajo ditë i përket Zotërisë Sovran, Jehovait të ushtrive; është dita e hakmarrjes ndaj kundërshtarëve të tij. Shpata do të gllabërojë, do të ngopet dhe do të dehet me gjakun e tyre, sepse Zotëria Sovran, Jehovai i ushtrive, do të bëjë një flijim* në vendin e veriut pranë lumit Eufrat.+ 11  O virgjëreshë e Egjiptit,ngjitu në Galad që të marrësh balsam!+ Kot i ke shtuar barnat,sepse s’ka shërim për ty.+ 12  Kombet kanë dëgjuar për çnderimin tënd,+klithma jote ka mbushur vendin. Luftëtari pengon luftëtarin,e rrëzohen që të dy.» 13  Kjo është fjala që Jehovai i tha profetit Jeremia për ardhjen e Nabukodonosorit,* mbretit të Babilonisë, për të sulmuar Egjiptin:+ 14  «Thuaje në Egjipt, shpalle në Migdol,+shpalle edhe në Nof* e në Tafnes.+ Thuaj: “Zër vend, përgatitu,sepse një shpatë do të gllabërojë gjithçka përreth teje. 15  Pse të fuqishmit e tu janë përlarë? Nuk kanë bërë qëndresë,sepse Jehovai i ka hedhur përtokë. 16  Një numër i madh prej tyre po pengohen e po bien. I thonë njëri-tjetrit: ‘Çohu! Të kthehemi te njerëzit tanë dhe te vendi ynë,për shkak të shpatës mizore.’ 17  Atje ata kanë shpallur: ‘Faraoni, mbreti i Egjiptit, s’është veçse një mburracak,që e ka lënë mundësinë* t’i ikë nga duart.’+ 18  Kështu thotë Mbreti, emri i të cilit është Jehovai i ushtrive: ‘Siç është e vërtetë që unë rroj’,ai* do të hyjë si Tabori+ ndër maledhe si Karmeli+ pranë detit. 19  Bëj gati plaçkat për mërgim,o bijë që banon në Egjipt,sepse Nofi* do të bëhet objekt llahtarie;do t’i vënë zjarrin* dhe do të mbetet pa asnjë banor.+ 20  Egjipti është si një mëshqerrë e bukur,por kundër tij do të vijnë nga veriu zekthat. 21  Edhe mercenarët e vet në mes të tij janë si viça të majmë,por edhe ata janë tërhequr e kanë ikur të gjithë. Nuk kanë bërë dot qëndresë,+sepse mbi ta ka ardhur dita e shkatërrimit,koha që të lahen hesapet. 22  Zëri i tij është si i gjarprit që rrëshqet,sepse do ta ndjekin plot fuqi e me sëpata,si burrat që presin dru.* 23  Ata do ta presin pyllin e tij,​—thotë Jehovai,—​ndonëse dukej i padepërtueshëm,sepse ata janë më të shumtë se karkalecat, janë të panumërt. 24  Bija e Egjiptit do të turpërohet. Do të bjerë në duart e popullit të veriut.’+ 25  Jehovai i ushtrive, Perëndia i Izraelit, thotë: ‘Tani do të ndëshkoj Amonin+ e Nosë,*+ faraonin, Egjiptin, perënditë+ dhe mbretërit e tij, po, faraonin dhe gjithë ata që kanë besim tek ai.+ 26  Do t’i dorëzoj në duart e atyre që kërkojnë t’u marrin jetën, në duart e Nabukodonosorit,* mbretit të Babilonisë,+ e në duart e shërbëtorëve të tij. Më pas Egjipti do të banohet si në ditët e shkuara,​—thotë Jehovai.+ 27  Por ti mos ki frikë, o shërbëtori im Jakob,mos u tmerro, o Izrael,+sepse unë do të të shpëtoj nga vendi i largët,dhe do t’i shpëtoj pasardhësit* e tu nga vendi i robërisë.+ Jakobi do të kthehet dhe do të jetë i qetë e pa shqetësime,e askush nuk do ta trembë.+ 28  Mos ki frikë, o shërbëtori im Jakob,​—thotë Jehovai,—​sepse unë jam me ty. Unë do t’i shfaros të gjitha kombet ku të kam shpërndarë,+kurse ty nuk do të shfaros.+ Megjithatë do të të disiplinoj* në masën e duhur+dhe nuk do të të lë aspak pa ndëshkuar.’”»

Shënime në fund të faqes

Fjalë për fjalë «Nabukodrezari», një variant tjetër i këtij emri.
Mburojë e vogël që shpesh e mbanin harkëtarët.
Ose «përkrenaret».
Ose «parzmoret e thurura».
Ose «do të bëjë kërdinë».
Fjalë për fjalë «Nabukodrezarit», një variant tjetër i këtij emri.
Ose «Memfis».
Fjalë për fjalë «kohën e caktuar».
Domethënë, pushtuesi i Egjiptit.
Ose «Memfisi».
Një mundësi tjetër «do të bëhet shkreti».
Ose «që mbledhin dru».
Domethënë, të Tebës.
Fjalë për fjalë «Nabukodrezarit», një variant tjetër i këtij emri.
Fjalë për fjalë «farën».
Ose «do të të ndreq».